Berik Ýálı «Prezıdent BAQ ókilderine sırek suhbat beredi» degen pikirmen kelispeıtinin aıtyp, el basshysynyń jumys kestesiniń tyǵyzdyǵyna toqtaldy.
Bul rette Berik Ýálı atap ótkendeı, Qasym-Jomart Toqaev bıyl shet memleket basshylarymen kelissózder qorytyndysy boıynsha BAQ ókilderi úshin 8 brıfıng ótkizdi. Qazaqstan Prezıdenti jyl basynan beri sheteldik jáne otandyq BAQ-qa 4 suhbat berdi, onyń ishinde sońǵy eki aıda «Izvestııa» basylymy men Euronews telearnasyna da 3 maqala jarııalady.
«Osy múmkindikti paıdalana otyryp, kelesi jyldyń qańtar aıynyń basynda Qazaqstan Prezıdenti respýblıkalyq basylymdardyń birine elimizdiń ishki jáne syrtqy saıasatyn egjeı-tegjeıli baıandaıtyn kólemdi suhbat berýdi josparlap otyrǵanyn atap ótkim keledi», dedi ol.
