Foto: QR Ulttyq banki
AI•KÚN kolleksııalyq monetalarynyń dızaıny qarama-qaıshylyqtar birligi túsinigine negizdelgen. Kún batyldyq pen belsendilikti bildirse, aı tynyshtyq pen shyǵarmashylyqtyń sımvoly retinde beınelengen.
Moneta joǵary bederli, altyn jalatylǵan jáne eki jaqty totyǵý tehnologııasy qoldanylǵan, kúmis synamasy – 925/1000, massasy – 31,1 gramm, dıametri – 38,61 mm, sapasy – antique silver, nomınaly – 500 teńge, taralymy – 3 000 (úsh myń) dana.
TÚIE – «Kóshpendilerdiń ǵıbadat janýarlary – totemderi» serııasymen shyǵyp jatqan altynshy moneta. Onyń dızaınynda saq stılinde beınelengen janýardyń natýralıstik jáne trafarettik kórinisi biriktirilgen.
Kóshpendiler mádenıetinde túıe adamgershilik pen táýelsizdik, kúsh-jiger men tózimdiliktiń beınesi sanalady.
Monetalar 3 túrde daıyndaldy: 925/1000 synamaly kúmisten, massasy – 25 oz (777,5 gramm), dıametri – 100 mm, dıametri 2 mm gaýhar ornatylǵan, sapasy – proof, nomınaly – 5 000 teńge, taralymy – 200 dana;
925/1000 synamaly kúmisten, massasy – 31,1 gramm, dıametri – 38,61 mm, dıametri 1 mm gaýhar ornatylǵan, sapasy – proof, nomınaly – 500 teńge, taralymy – 5 000 dana;
melhıor (MN 25) qospasynan, massasy – 15 gramm, dıametri – 33 mm, sapasy – rroof-like, nomınaly – 200 teńge, taralymy – 10 000 (on myń) dana;
melhıor (MN 25) qospasynan, massasy – 11,17 gramm, dıametri – 31 mm, sapasy – brilliant uncirculated, nomınaly – 200 teńge, taralymy – 30 000 dana.
«Kolleksııalyq monetalar Qazaqstan Respýblıkasynyń búkil aýmaǵynda belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady», delingen Ulttyq bank habarlamasynda.
