Túrki áleminiń týrıstik astanasy

О́ńirdegi basym baǵyttardyń biri sa­nalatyn salany damytý úshin tujy­rymdama ázirlenbek. Týrıstik áleýet jan-jaqty zerttelýde. Shet memlekettermen avtobýs, áýe baǵyttary ashylyp jatyr. Osy syndy jumystar ná­tı­jesinde byltyrǵy 10 aıda oblysqa zııa­­rat týrızmi baǵytynda 868 203 adam keldi.

Túrkistan oblysy – tarıhı jáne mádenı muraǵa baı jáne ashyq aspan astyndaǵy ózindik murajaı. Oblys aýmaǵynda 1 770 tarıh jáne mádenıet eskertkishi bar. О́tken jyldyń 11 aıynyń qorytyndysy boıynsha, oblysqa tarıhı-tanymdyq týrızmi maqsatynda 919,5 myń adam kelgen. Mysaly, «Áziret Sultan» memlekettik tarıhı-mádenı qoryq-mý­zeıi­ne bir kúndik kelýshiler sany 646 378 adam bolsa, «Otyrar» memlekettik arheo­logııalyq qoryq-mýzeıine bir kúnde 273 191 adam kelgen.

Sondaı-aq keıingi jyldary ekotýrızm qarqyndy damýda. Oblysta 4 erekshe qorǵalatyn tabıǵı nysan – «Aqsý-Jabaǵyly» jáne «Qarataý» qo­ryqtary, «Saıram-О́gem» ulttyq ta­bıǵı parki, «Syrdarııa-Túrkistan» óńir­lik tabıǵı parki ornalasqan. Jalpy, tabıǵı aýmaqtarda 99 demalys orny, 62 qonaqúı, 12 shıpajaı qyzmet kórsetýde, 30 týrıstik marshrýt qurylǵan. О́tken jyldyń basynan bergi 11 aıda tabıǵı aýmaqtarǵa kelýshilerdiń sany 124,9 myń adamdy qurap otyr. Iаǵnı aldyńǵy jylmen salystyrǵanda tabıǵı aýmaqtarǵa kelýshiler sany 2 ese artqan. Bul oraıda «Qarataý» memlekettik ta­bıǵı qoryǵynda ekologııalyq týrızmdi damytý maqsatynda 22 gektar jer telimi qarastyrylǵan. Atalǵan aýmaqta 2 týrıstik marshrýt qurylǵan. Al «Saıram-О́gem» MUTP aýmaǵynyń 11,7%-y nemese 17 519 gektar jer teli­mi rekreasııalyq jáne týrıstik qyz­met aımaǵy bolyp sanalady. Atalǵan aýmaqta kelýshilerge arnap 11 týrıstik soqpaq uıymdastyrylǵan. Qazirgi tańda park aýmaǵyndaǵy jalpy aýdany 343,2 gektar 29 jer telimi týrıstik jáne re­kreasııalyq maqsatta paıdalanýǵa be­rilgen. Jer paıdalanýshylar esebinen park aýmaǵynda 6 demalys úıi, 1 ańshylar úıi, 2 kıiz úı jumys istep tur.

Oblys – respýblıkanyń saýyqtyrý týrızmi damyǵan óńirleriniń biri. Týrızm­niń bul baǵyty boıynsha oblys­ta nómirlik qory 8 myń tósektik oryn bolatyn 72 emdeý-saýyqtyrý orny jumys isteıdi. Qosymsha 3 keshendi paı­dalanýǵa berý josparlanyp otyr. Byl­tyr emdeý-saýyqtyrý oryndarynda 142,7 myń adamǵa qyzmet kórsetilgen. О́tken 9 aıda bul kórsetkish 192,8 myń bolǵan. Ornalastyrý oryndarymen kór­setilgen qyzmetter kólemi III toqsan qory­tyndysymen 4,2 mlrd teńgeni quraǵan.

Oblystyq mádenıet jáne týrızm basqarmasynyń málimetinshe, týrıstik nysandardyń ınfraqurylymyn jetil­dirý maqsatynda jalpy somasy 34,7 mlrd teńgege 10 joba júzege asyrylyp jatyr. Onyń ishinde Túrkistan – Arystanbab jáne Túrkistan – Qarnaq baǵytyndaǵy tasjoldardy jóndeý jobalary qamtylǵan. Al týrızm salasyna tartylǵan ınvestısııa kólemi 363 mlrd teńgeden asyp otyr. Resmı statıstıkalyq derekterge sáıkes, 2023 jylǵy 10 aı qorytyndysymen týrızm salasyndaǵy negizgi kapıtalǵa ınves­tısııalar kólemi 43,6 mlrd teńgeni qu­rady. Oblys aýmaǵynda iske asyrylatyn týrıstik ınvestısııalyq jobalar pýly ázirlengen. Oǵan sáıkes 2023-2024 jyldarǵa jalpy somasy 37,9 mlrd teńgege 42 týrıstik ınvestısııalyq jobalar qurylysy júrgizilip jatyr.

Sondaı-aq Túrkistan qalasynda mádenı-rýhanı arnaıy aýmaǵy quryldy. Aýmaqta «Uly Dala eli» ortalyǵy, Shyǵys monshasy, amfıteatr, mýzykalyq sýburqaq, Qabyldaý ortalyǵy sekildi mádenı nysandar boı kóterdi. Sonymen qatar Túrkistan qalasynda áýejaı salyndy. Halyqaralyq týrızm jáne meı­mandostyq ýnıversıteti ashyldy, «Kerýen saraı» týrıstik kesheni saıahatshylarǵa qyzmet kórsetýde. Ke­lýshi týrıster sanyn arttyrý maq­satynda bıyl Túrkistan – Tashkent – Nýrafshan baǵytynda halyqaralyq avtobýs reısi ashyldy. Aldaǵy qańtar aıynan bastap Birikken Arab Ámir­likterine Túrkistan – Abý Dabı ha­lyqaralyq turaqty áýe reısi iske qo­sylady. Oblysta týrızm salasynda jumys atqaratyn adamdar sany 17 myńǵa jetken. Túrkistan qalasynyń túrki áleminiń týrıstik astanasy atanýyna oraı keler jyly basqarma tarapynan 30-dan asa oqıǵalyq is-shara ótkizý jos­parlanyp otyr.

Aıta ketelik, jýyrda Astana qala­synda ótken is-sharada Túrkistan ob­lysynyń úsh birdeı týrıstik qyz­met kórsetý uıymy «Sapa belgisi» baǵdarlamasy talaptaryna saı kelgeni úshin erekshelik belgisimen marapattaldy. Atap aıtqanda, «Rixos Turkistan» qonaqúıi, «Top Tobe Grand Hall» kesheni jáne «Turan Tour» JK týrızm ındýstrııasyndaǵy erekshe mártebe ıegeri atandy. Sondaı-aq Túrkistan oblysy mádenıet jáne týrızm basqarmasyna qarasty «Open Turkistan» týrıstik aqparattyq ortalyǵynyń da mamandary arnaıy Alǵyshatqa ıe boldy.

Túrkistan oblysy