Bul – Memleket basshysynyń «El ekonomıkasyna ınvestısııalar tartý jónindegi jumystyń tıimdiligin arttyrý jónindegi sharalar týraly» Jarlyǵy qabyldanǵannan keıin Keńestiń jańa formatta ótken besinshi otyrysy.
Otyrys barysynda aýyl sharýashylyǵy men densaýlyq saqtaý salalaryna ınvestısııalar tartý jónindegi jumysty júıelendirý máseleleri, sondaı-aq naqty ınvestısııalyq jobalardy iske asyrýdyń problemalyq máseleleri qaraldy.
Otyrys qorytyndysy boıynsha Roman Sklıar memlekettik organdar men uıymdarǵa ınvestorlardyń problemalyq máselelerin qysqa merzimde sheshý jóninde birqatar tapsyrma berdi.
Roman Sklıar atap ótkendeı, bul úshin qajetti quraldar men ókilettikterdiń barlyǵy bar.
Jalpy, 2023 jyly Keńestiń 15 otyrysy ótti. Jalpyulttyq pýl aıasynda ınvestısııalyq jobalardy iske asyrý máseleleri, eldiń ınvestısııalyq ahýalyn jaqsartý jónindegi sharalar qaralyp, júıeli problemalyq máselelerdi sheshý joldary (ınfraqurylym júrgizý, ınvestısııalyq sýbsıdııalar, shıkizatty jetkizý, sheneýnikterdiń nemquraıdylyǵy, múddeler qaqtyǵysy, ákimshilik kedergiler) ázirlendi.
Jyl boıy sheteldik jáne otandyq kompanııalardyń birqatar naqty problemalyq máselesi sheshildi.
Investorlardyń problemalyq máselelerin jedel sheshý jáne júıelik kedergilerdi joıý boıynsha belsendi jumys jalǵasatyn bolady.
