«Jumys berýshiniń mindetti zeınetaqy jarnalaryn esepteý (esepke jazý) jáne biryńǵaı jınaqtaýshy zeınetaqy qoryna aýdarý jáne olar boıynsha óndirip alý qaǵıdalary men merzimderin bekitý týraly» el Úkimetiniń qaýlysy kúshine endi.
Qujatqa sáıkes jumys berýshiler óz qarajaty esebinen mindetti zeınetaqy jarnasyn aýdarady. Ol 2024-2028 jyldar aralyǵynda 1,5%-dan 5%-ǵa deıin kezeń-kezeńimen ósýge tıis. Osylaısha zeınetke shyqqan kezde jumyskerler qosymsha jınaqtaýshy zeınetaqy tólemimen qamtamasyz etiledi.
Bul shara, ásirese, jastardy qoldaýǵa baǵyttalǵan. Olardyń zeınetaqy jıyntyǵy úsh komponentten: memleketten bazalyq zeınetaqy, jınaqtaýshy zeınetaqy, biryńǵaı jınaqtaýshy zeınetaqy qoryna aýdarym esebinen jáne shartty-jınaqtaýshy zeınetaqy jumys berýshilerdiń jarnasy esebinen quralady.
Jumys berýshiniń mindetti zeınetaqy jarnalaryn engizý, ásirese, yntymaqty ótili joq (1998 jylǵa deıin) nemese yntymaqty júıedegi ótili az azamattar úshin ózekti.
Álemdik tájirıbeni eskere otyryp qabyldanǵan júıe azamattardy zeınetaqymen qamtamasyz etý men memlekettiń, jumys berýshiniń jáne qyzmetkerdiń ortaq jaýapkershilikke jumyldyrady.
Salyq kodeksine saı jumys berýshiniń mindetti zeınetaqy jarnalaryn tóleý shyǵyny qaıtarymsyz deńgeıde qalady.
