Foto: Ashyq derekkóz
Oblystyq polısııa departamenti baspasóz qyzmetiniń málimetinshe jol-kólik apaty Astana-Petropavl tasjolynyń 216-shaqyrymy tusynda 2 qańtar kúni bolǵan. Oqıǵa ornyna jetken polısııa qyzmetkerleri bir ýaqytta 15 shaqty kóliktiń apatqa ushyraǵanyn anyqtaǵan.
Vedomstvo habarlamasynda: «Qurban bolǵandar joq. 37 jastaǵy er adam, 33 jastaǵy áıel adam, 9-daǵy bala túrli jaraqatpen Makınsk aýrýhanasyna jetkizildi. Zardap shekkender eshteńege shaǵymdanbady», delingen.
QR QK-niń 610-baby («Kólik júrgizýshileriniń adamdardyń densaýlyǵyna zardabyn tıgizip, kólik nemese ózge múlkin búldirýge alyp kelgen jol erejesin buzý») boıynsha eki kólik júrgizýshisine ákimshilik hattama toltyryldy.
