Italııa kórermeniniń kóńilinen shyqty

Ońtústik Eýropanyń quı­qaly aýmaǵynda oryn tepken taýly Italııanyń halqy bul kúnderi rojdestvolyq qysqy demalysta júr. Eýropa jurtyna tán mádenı, rýhanı is-sharalar bul kúnderi jıileı túsedi. Isa Baızaqov atyndaǵy Pavlodar oblystyq fılarmonııasynyń sımfonııalyq orkestri elder arasyndaǵy mádenı baılanys aıasynda ári halyqaralyq mýzykalyq tájirıbe almasý maqsatynda jeltoqsannyń sońǵy onkúndiginde saparyn bastap ketken. Shyǵarmashylyq gastrol bul joly atalǵan memlekettiń shaǵyn qalala­rynda, atap aıtqanda, Ka­pýa, Sorrento, Benevento, Terrachına, Perýdja, Todı, Age­rolla qalalarynda jal­ǵasyp jatyr. Bul joly dep otyr­ǵanymyz, orkestrdiń mun­daı keshteri buǵan deıin de sán-saltanaty jalǵasqan elde uıymdastyrylǵan. 2017 jyly pavlodarlyq ujym Rım, Mı­lan, Salerno jáne Appenın túbegindegi ózge de qalalarda sátti óner kórsetip qaıtqan.

– Halyqaralyq saparymyz úlken jobanyń biri bolyp otyr. Jerorta teńizi ja­ǵalaýynda oryn tepken jeti qalany aralap, konsert qoıý týraly usynysty ótken maýsymda Italııadaǵy mádenıet pen mýzyka salasyn damytýshy uıymnyń prezıdenti, professor Leonardo Kvadrını jasaǵan edi. Kásibı turǵydan bul bizdiń mýzykanttar úshin asa paıdaly. Bul jerde sımfonııanyń rýhy erekshe seziledi. Jergilikti jáne Albanııa eliniń mýzykanttarymen bir orkestr quramynda óner kórsetýdemiz. Jergilikti kórermen arasynda jastardyń jıi boı kórsetetini qýantty. Italııalyqtar ózderiniń jáne nemis klassıkalyq mýzy­kasyn aıryqsha unatady. Biz­diń orkestr I.Shtraýs, I.Brams, J.Bıze, K.Sen-Sans, Ros­sını, Dj.Martýchıdiń týyndylarymen qosa, E.Rahma­dıevtiń «Daırabaıyn» ár kon­sertte oryndap júr. Shyǵar­mashylyq tý­rymyzdy uıymdas­tyrýǵa múm­kindik týdyrǵan Pavlodar ob­lysynyń ákimi Asaıyn Baı­­hanovqa rızashy­lyǵymyz sheksiz, – deıdi Isa Baı­za­qov atyndaǵy óńirlik fılar­mo­nııanyń basshysy, Má­denıet úzdigi Amangeldi Qo­janov.

Fılarmonııa basshysy Jer­orta teńizi jaǵalaýyndaǵy sha­harlarda aýa raıy jyly, kúndiz 17 gradýsqa deıin kóte­riletinin aıtady. «Teńiz­den soq­qan samal erekshe. О́ki­nishke qaraı, sapar kes­tesiniń tyǵyzdyǵyna baılanysty qalalardy aralap kó­rýge múmkindigimiz joq. Ita­lııa­lyqtar óte qyzýqandy, shý­ly, daýystap sóıleıtin ha­­lyq eken. О́nerimizdi yqy­las­­pen qabyldap jatqandary baı­qalady. Keıde kúnine 2 konsert berýge týra keledi», dep atap ótti ol.

Sımfonııalyq orkestrdiń kór­kemdik jetekshisi ári dı­rı­jeri, Qazaqstannyń eńbek si­ńirgen qaı­ratkeri Bolat Ra­hym­­janovtyń sózinshe, jos­parlanǵan 12 kon­­­serttiń 8-i bú­ginde uıym­das­tyrylǵan. Qal­ǵany 7 qań­tarǵa deıin jalǵasady.

Pavlodar oblysy