«Qaza tapqan jáne joǵalǵan qutqarýshylardyń otbasylaryna «Maıqaıyń-altyn» AQ jáne KÁAQQ ROSh-nan árbir otbasyna 4,5 mln teńgeden astam mólsherde materıaldyq kómek kórsetiledi. Memleket tarapynan qaza tapqan jandardyń otbasylaryna asyraýshysynan aırylý boıynsha áleýmettik tólemder taǵaıyndalady. Qaza bolǵan eki qutqarýshynyń otbasylaryna qaıǵyryp kóńil aıtamyn. Marqumdardyń ımany salamat bolsyn», dep jazdy Asaıyn Baıhanov jelidegi paraqshasynda.
Ol oqıǵa ornynda ózimen birge TJ vıse-mınıstri jáne basqa da qyzmetter barǵanyn jáne qutqarýshylar joǵary qaýipti rejımde jumys istep jatqanyn jetkizdi.
«Qazanshuńqyrda tastar men topyraq áli de syrǵyp jatyr. Izdeý jumystaryna barlyǵy 116 adam, 23 tehnıka jumyldyryldy. Búgin tańǵy saǵat 06:00-de Astana qalasy TJD kınologtar brıgadasy kelip, birden izdestirý jumystaryna kiristi. Biz izdeý-qutqarý jumystaryn jalǵastyramyz», delingen habarlamada.
