Foto: ashyq derekkóz
Aldaǵy demalys kúnderi belsendi atlantıkalyq sıklonnyń naýqany men onymen baılanysty atmosferalyq frontaldy ýchaskelerdiń áserinen Qazaqstannyń basym bóliginde qar jaýady, ońtústik oblystarda jańbyr men qar túrindegi jaýyn-shashyn kútiledi.
6 qańtarda eldiń soltústik-batysynda qalyń qar jaýady, al ońtústikte jańbyr men qar túrindegi qatty jaýyn-shashyn kútiledi.
7-8 qańtarda soltústik-batysta, soltústikte jáne ortalyqta qalyń qar jaýady. Respýblıkanyń soltústik jartysynda qatty jaýyn-shashynmen birge kóktaıǵaq, burqasyn bolady dep boljanyp otyr.
Budan bólek respýblıka boıynsha tuman túsip, jel kúsheıedi.
Sondaı-aq sınoptıkter elimizdiń batysynda, soltústik-batysynda, soltústik jáne shyǵysynda aýa temperatýrasy kúrt tómendeıtinin eskertti. Máselen, eldiń batysynda jáne soltústik-batysynda túnde aýa temperatýrasy -8-25°, soltústikte -5-30°, al shyǵysta -5-18°-qa deıin tómendeıdi.
Al ońtústik oblystarda túngi negizgi fondyq temperatýra -5+7° shamasynda bolady.
