О́rtti sóndirýge 7 tehnıka men jeke quramnan 22 adam jumyldy. О́rtti sóndirý joǵary órt júktemesine baılanysty qıynǵa soqqan. О́ıtkeni úı qurylymdyq jaǵynan tolyǵymen aǵash konstrýksııalardan turǵyzylǵan ári otqa tózimdiliktiń 5-dárejesine jatady. Qazirgi tańda órt sóndirildi.
«О́rtti sóndirý kezinde eki adamnyń máıiti tabyldy. Aqmola oblysynyń Tótenshe jaǵdaılar departamenti qaza bolǵandardyń týystaryna kóńil aıtady», dep habarlady vedomstvonyń baspasóz qyzmeti.
Osyndaı oqıǵalardyń aldyn alý úshin oblystyq tótenshe jaǵdaılar departamenti úıdegi órt qaýipsizdigi sharalaryn saqtaýǵa shaqyrady. Atap aıtqanda:
- Elektr jelilerin shamadan tys júktemeńiz;
- Jylytý peshterin qaraýsyz qaldyrmańyz, uzaq qyzdyrmańyz;
- Elektr jabdyqtary men symdardyń jaǵdaıyn baqylańyz;
- Úı-jaılardy nemese kólikterdi jylytý úshin qoldan jasalǵan, aqaýy bar jylytý qurylǵysyn paıdalanbańyz;
- Balalardy eshqashan qaraýsyz qaldyrmańyz.
