Foto: TJM
Keshe geoskaner kómegimen 5 metr tereńdikte topyraq astynan avtobýstyń yqtımal ornalasý orny anyqtaldy. Búgin topyraqty qaıta skanerleý júrgizildi. Onyń nátıjeleri boıynsha izdeý-qutqarý jumystarynyń barysyna túzetýler engiziledi.
Oqıǵa ornyna TJM, KÁAQQ ROSh, jergilikti atqarýshy organdar, «Maıqaıyńaltyn» AQ, polısııa jáne jedel járdem bólimshelerinen barlyǵy 139 adam jáne 47 birlik tehnıka jumyldy.
Jazataıym oqıǵanyń sebepterin tergeý maqsatynda О́nerkásiptik qaýipsizdik komıteti tóraǵasynyń orynbasary Musa Tanabaevtyń tóraǵalyǵymen arnaıy komıssııa jumys istep jatyr.
Komıssııa quramyna Pavlodar oblysy ákiminiń birinshi orynbasary Serik Batyrǵujınov, «Maıqaıyńaltyn» AQ bas dırektory Qýanysh Botın, ónerkásiptik qaýipsizdik komıteti departamentiniń, eńbek basqarmasynyń, KÁAQQ ROSh, kásipodaq uıymynyń basshylary men mamandary kirdi.
Obektıvti tergeýdi uıymdastyrý jáne jazataıym oqıǵanyń sebepterin anyqtaý úshin tórt saraptama uıymynyń ókilderi tartyldy.
Eske salaıyq, 4 qańtarda Pavlodarda jolaýshylar mingen avtobýs oıyqqa qulap ketkenin habarlaǵan bolatynbyz.
