Oqıǵa beınelengen vıdeo áleýmettik jelide tarap, qyzý talqylanǵan edi.
1 qańtarda Jambyl oblysy Polısııa departamenti men Qordaı aýdany Polısııa bólimi qyzmetkerleri bir top adamnyń ústinen buzaqylyq jasady degen faktimen qylmystyq is qozǵaldy. Atalǵan tóbeles kezinde eki azamat dene jaraqatyn alǵan.
Qylmystyq isti tergeý barysynda Gvardeısk garnızonynda kelisimshart boıynsha áskerı qyzmetshilerdiń oqıǵaǵa qatysy bary belgili boldy.
«QR QIJK-niń 128, 131-baptaryna sáıkes osy qylmysty jasady degen kúdikpen alty adam ustaldy, onyń ishinde 2 áskerı qyzmetshi qazirgi ýaqytta ýaqytsha ustaý ızolıatoryna qamaýǵa alyndy. О́zge aqparat tergeý múddesi úshin jarııa etilmeıdi», delingen Qorǵanys mınıstrliginiń habarlamasynda.
QR QK «Ońtústik» óńirlik qolbasshylyǵy baspasóz qyzmeti «tóbeles áskerı qyzmetshiler men qarapaıym azamattar arasynda boldy», «áskerıler jergilikti turǵyndy soqqyǵa jyqty» degen aqparattardyń shyndyqqa janaspaıtynyn málimdedi.
Jappaı tóbeleskenderdiń ishinde tek ekeýi áskerı qyzmetshi. Mınıstrlik oqıǵa jumystan tys ýaqytta bolǵanyn naqtylady.
