Foto: gov.kz
Ǵylym 3 tıpti topyraqta sekseýil, 4 tıpti topyraqta galofıtti ósimdikter (qarabaq, sarasazan) egýdi (otyrǵyzýdy) usynady.
Aral teńiziniń túbinde sekseýil otyrǵyzý úshin 753 myń gektar jerdiń topyraǵy zertteldi.
Araldyń qurǵaǵan túbinde ekpe jumystaryn júrgizý úshin tuqymdardy egýge jáne ósirýge daıyndaý ınfraqurylymy jasalyp, qajetti arnaıy tehnıka satyp alyndy.
Vedomstvo men Qyzylorda oblysy ákimdiginiń kúshimen sońǵy úsh jylda 544,5 myń ga orman egilgen. Bıyl taǵy 275 myń gektarǵa ekpe jumystaryn júrgizý josparǵa alynǵan.
Aral teńiziniń tartylýy jahandyq problema ekenin eskere otyryp, mınıstrlik halyqaralyq uıymdarmen yntymaqtasa jumys istep keledi.
2021 jyldyń jaz-kúz mezgilderinde О́zbekstan men Qazaqstan mamandary Aral teńiziniń túbine sekseýil men basqa da aǵashtardy otyrǵyzý boıynsha tájirıbe almasyp, tyǵyz yntymaqtastyq úshin memorandýmǵa qol qoıyldy.
Sekseýildi tuzdy jáne qumdy topyraqtarǵa otyrǵyzý úshin ǵylym túrli tehnologııalardy qoldanýdy usynady. Ol úshin 150 ga aýmaqta tájirıbelik ýchaske qurylyp, jabyq tamyr júıesimen otyrǵyzý jáne ósý stımýlıatorlaryn (gıdrogel) paıdalanyp tuqym sebý sııaqty ádister qoldanylyp keledi.
Otyrǵyzý materıalynyń tez beıimdelýi jáne shyǵymynyń joǵary bolýy úshin jýyrda Aral teńiziniń túbinde aýdany 33 ga orman pıtomnıginiń qurylysyn aıaqtaý josparlanyp jatyr. Atalǵan pıtomnık elordalyq «Respýblıkalyq orman seleksııalyq tuqym ósirý ortalyǵy» RMQK úshin tájirıbelik alań retinde jumys istep, onda orman tuqymdarynyń genetıkalyq banki, onyń ishinde Aral teńiziniń túbindegi qoldan jasalǵan ormandardyń negizgi túri bolatyn sekseýil tuqymdary saqtalady.
