Mınıstrdiń málimetinshe, tergeýge qatardaǵy qyzmetkerler emes, tótenshe jaǵdaıǵa tikeleı jaýapty ınjenerlik-tehnıkalyq personal alynǵan.
«Úkimettik komıssııa jumysynyń qorytyndysy boıynsha biz 19 adamdy anyqtadyq. Bul jaýapty laýazymdy tulǵalar. Materıaldar tergeý organdaryna tapsyryldy, olardyń kinásin sot anyqtaıdy», dedi mınıstr Úkimette ótken brıfıngte.
Syrym Sháriphanov tergeýge alynǵan laýazymdy tulǵalardyń esimin atap berdi.
«46 kenshiniń qazasyna kináliler qatarynda AMT bas dırektory Iаblonskıı, personal jónindegi dırektor Vınokýrova, kómir departamentiniń tehnıkalyq dırektory Belyı myrza, kómir departamenti atqarýshy dırektorynyń orynbasary Ogaı jáne taǵy basqalary bar», dedi mınıstr.
Eske sala keteıik, 2023 jylǵy 28 qazanda «Arselor Mıttal Temirtaý», qazirgi Qarmet AQ-nyń Kostenko atyndaǵy kómir shahtasynda jarylys bolyp, saldarynan 46 adam qaza tapty. Taǵy 28 kenshi jaraqat alǵan edi.
Tergep-tekserý qorytyndysyna sáıkes, shahtadaǵy apatqa 100 paıyz jumys berýshi kináli dep tanyldy.
