«Búgin elimizdiń shejireli basylymynyń biri – «Qazaq ádebıeti» gazetiniń alǵash jaryq kórgenine 90 jyl tolyp otyr. Kezinde B. Maılın, Ǵ. Músirepov, S. Seıfýlın, I. Jansúgirov sııaqty ádebıetimizdiń alyptary irgesin qalaǵan tarıhı basylym sóz óneriniń altyn qazynasy. Oqyrmanynyń kózaıymyna aınalǵan gazettiń ár beti – tunǵan tarıh, áli de jazary taýsylmaǵan. Memleket basshysynyń bastaǵan reformalary men halyq úshin mańyzdy aqparattaryn qalyń oqyrmanyna talmaı jetkizip, ultymyzdyń tarıhı sana-sezimin jańǵyrtyp keledi. Basylym qoǵamymyzdyń rýhanı azyǵyna aınalyp, jas qalamgerlerdiń shyǵarmashylyǵyn shyńdaıtyn abyroıly alańǵa aınaldy. «Qazaq ádebıeti» gazetiniń ujymyn osynaý mereıtoımen quttyqtap, sizderge taýsylmas shabyt, tolaıym tabys, otbasylaryńyzǵa baqyt tileımin», dep jazdy mınıstr quttyqtaý jazbasynda.
