Redaksııa jazǵandaı:
«Almaty eki mıllıon halqy bar Qazaqstannyń eń iri qalasy bola tura, beıbit, biraq belsendi shaHar áserin qaldyrady. Almatynyń mádenı ortalyq retindegi mártebesi onyń gastronomııalyq ómirinde aıqyn kórinedi. Un, sý jáne etke negizdelgen «neo-nomadtar» ashanasy gıper-zamanaýı stılde usynylǵan; ony AUYL nemese TÖR restorandarynda kóre alasyz. Lanzhou Noodle meıramhanasy qytaı taǵamdaryn, al Sensilyo Coffee nemese JumpinGoat kafeleri - keremet kofe usynady. Kók bazardaǵy jemister men jańǵaqtardy tamashalańyz, sodan keıin jaqynda keńestik dáýiri ǵımaratynda ashylǵan úlken azyq-túlik bazarynda PlatformA-ǵa baryńyz», delingen The New York Times basylymynda.
Osyǵan baılanysty Týrızm jáne sport vıse-mınıstri Erjan Erkinbaev mundaı mańyzdy álemdik tizimge Qazaqstan qalasynyń enýi eldegi týrızmniń túlep kele jatqanyn bildiretinin alǵa tartty.
«Qazaqstan sońǵy jyldary álemdik BAQ reıtıngine jıi iligip keledi jáne New York Times tizimine ený týrısterdiń bizdiń elimizge degen qyzyǵýshylyǵynyń artyp kele jatqanyn anyq bildiredi», dedi Týrızm jáne sport vıse-mınıstri Erjan Erkinbaev.
Aıta keteıik, buǵan deıin Qazaqstan EKSPO-2017 kórmesi qarsańynda osy tizimge engen bolatyn.
