Foto: primeminister.kz
Ulttyq sıfrlyq ınvestısııalyq platforma ınvestısııalyq jobalardy keshendi súıemeldeý boıynsha aqparattyq júıe qurýdy kózdeıdi. Bul barlyq tarapqa – kásipkerlerge jáne memlekettik organdar, qarjy ınstıtýttary men kvazımemlekettik sektor ókilderine birdeı paıdaly bolady.
Sıfrlyq platformanyń fýnksıonaly barlyq prosesti, onyń ishinde ınvestorlar úshin Qazaqstan Respýblıkasynda qoljetimdi memlekettik qyzmetterdi tolyq qamtýǵa múmkindik beredi.
Investısııalardy tartý máselelerinde memlekettik qyzmetterdi sıfrlandyrý – Úkimettiń basym jáne ózekti mindetteriniń biri. Ulttyq ınvestısııalyq platforma eń aldymen ınvestorlar úshin ázirlenip jatqany atap ótildi. Sondyqtan ol barlyq usynylǵan qoldaý sharalaryn qamtýy qajet jáne paıdalanýshylar úshin múmkindiginshe yńǵaıly bolýy kerek.
Ulttyq ınvestısııalyq platforma kóptegen prosesti jeńildetip qana qoımaı, olardyń ashyqtyǵyn qamtamasyz etedi. Bul óz kezeginde Qazaqstannyń ınvestısııalyq tartymdylyǵyn aıtarlyqtaı arttyrady. Osyǵan baılanysty memlekettik organdarǵa platformany iske qosýdy jedeldetý jáne júıege ınvestısııalyq jobalar boıynsha barlyq derekti engizý tapsyryldy.
Investısııalardy tartý jónindegi keńestiń otyrysynda kólik, logıstıka, densaýlyq saqtaý jáne týrızm salalarynda iske asyrý josparlanǵan jobalar da qaraldy.
Atap aıtqanda, kólik salasynyń ınvestısııalyq áleýeti boıynsha ÚAAAJ jobasyn iske asyrý mysalynda «konsessııa» mehanızmin odan ári damytý, sondaı-aq azamattyq avıasııa jáne temirjol kóligi salasyndaǵy jobalar pýlyn birneshe ese ulǵaıtý qajettigi atap ótildi.
Densaýlyq saqtaý salasy boıynsha medısınalyq jabdyqtar óndirisin lokalızasııalaý, bıotehnologııalyq preparattar óndirisin keńeıtý jáne klınıkalar salý syndy jekelegen ınvestısııalyq jobalar qaralyp, tapsyrmalar berildi.
Aımaqtar boıynsha Ulytaý oblysy ákimdiginiń ınvestısııalar tartý jónindegi jumysy qaraldy. Búginde óńirde 19 ınvestısııalyq jobadan turatyn pýl qurylǵan, onyń sheńberinde 1700-den astam jańa jumys ornyn ashý josparlanyp otyr.
Alǵa qoıylǵan mindetterge qol jetkizý úshin óńirge ınvestısııalar tartý boıynsha qajetti sharalardy qabyldaý kerek ekeni atap ótildi. Memlekettik jáne jergilikti atqarýshy organdarǵa atalǵan barlyq problemalyq máselelerdi qysqa merzimde sheshý tapsyryldy.
