Almaty • 11 Qańtar, 2024

Almatyǵa tamsanǵan The New York Times

216 ret

kórsetildi

1 mın

oqý úshin

Álemniń eń bedeldi basylymdarynyń biri The New York Times jańa jylda qydyryp barýǵa bolatyn jahandaǵy 52 týrıstik dástúrli tizimin jarııalady. Osynaý aıtýly tizimniń ortasynan bizdiń Almaty oıyp turyp oryn aldy. Dálirek aıtsaq, tanymal basylymnyń nusqasy boıynsha Almaty qalasy tizimde 25-orynda tur.

Orynbek О́TEMURAT

Sýretti túsirgen – Erlan OMAR, «EQ»

Bul aqjoltaı habardy elimizdiń Týrızm jáne sport mınıstrligi jetkizdi. Atalǵan basylymnyń redaksııasy Almaty qalasy týraly bylaı jazypty: «Almaty eki mıllıon halqy bar Qazaqstannyń eń iri qalasy bola tura, beıbit, biraq belsendi shaHar áserin qaldyrady. Onyń mádenı ortalyq retindegi mártebesi gastronomııalyq ómirinde aıqyn kórinedi. Un, sý jáne etke negizdelgen «neo-nomadtar» ashanasy gıper-zamanaýı stılde usynylǵan; ony Auyl nemese tör restorandarynda kóre alasyz. Lanzhou Noodle meıramhanasy qytaı taǵamdaryn, al Sensilyo Coffee nemese JumpinGoat kafeleri keremet kofe usynady. Kók bazardaǵy jemister men jańǵaqtardy tamashalańyz, sodan keıin jaqynda keńes dáýiri ǵımaratynda ashylǵan úlken azyq-túlik bazarynda PlatformA-ǵa baryńyz».

«Qazaqstan keıingi jyldary álemdik BAQ reıtıngine jıi iligip keledi jáne New York Times tizimine ený týrısterdiń bizdiń elimizge degen qyzyǵýshylyǵynyń artyp kele jatqanyn bildiredi», dedi Týrızm jáne sport vıse-mınıstri Erjan Erkinbaev.

Almaty – bul reıtıngke engen elimizdegi birden-bir qala. Buǵan deıin 2017 jyly EKSPO kórmesi qarsańynda Qazaqstan osy tizimge engizilgen edi.