Ultty uıystyrý qaǵıdattary

«Qazaqstannyń Azamattyq alıansy» ZTB uıymdastyrǵan dóńge­lek ústelge sarapshylar, onyń ishinde Ulttyq quryltaı jáne qoǵamdyq keńes músheleri, óńirlik Azamattyq alıans­tardyń kóshbasshylary, ÚEU, etno­má­denı birlestikterdiń ókilderi, depýtat­tar men ǵalymdar, saıasattanýshylar, qo­ǵam qaıratkerleri qatysyp, suhbat­ta aıtylǵan ózekti máselelerdi talqylady.

«Qazaqstan Azamattyq alıansy» ZTB prezıdenti Baný Nurǵazıeva kirispe sózinde: «Memleket basshysy suhba­tynda jyldar boıy jınaqtalǵan qo­ǵam­­nyń ózekti saýalyna jaýap bergen. Maqala ótip bara jatqan jyldyń je­tis­­tikteri men aldaǵy jyldary at­qa­­rylýǵa tıis aýqymdy isterdiń de máni men mańyzyn ashyp kórsetýimen qundy», dedi.

Talqylaý aıasynda dóńgelek ústel­ge qatysýshylar Memleket basshy­sy suhbatynyń negizgi tustaryn taldap, qozǵalǵan mańyzdy taqyryptar bo­ıynsha pikirleri men oılaryn bildirdi. Is-sharada ekonomıka, saıasat, qoǵamdyq damý, ulttyq mádenıet jáne basqa da mańyzdy máseleler keńinen sóz boldy.

Astana qalasy Qoǵamdyq keńesiniń tóraǵasy, saıasattaný ǵylymdarynyń doktory, Ulttyq quryltaı múshe­si Zulfuhar Ǵaıpov suhbatta aıtyl­ǵan árbir máseleniń artynda ádilet­ti qoǵamdy qalyptastyrý ıdeıasy jatqanyn aıtty. Ádiletti qoǵamdy ornatý isine qoǵam bolyp jumylǵanda ǵana jete alatynymyzdy alǵa tarta kelip: «Bul úshin Prezıdent aıtyp júrgen adal azamat, adal eńbek pen ádiletti qoǵam degen úshtiktiń úni bir jerden shyǵýǵa tıis. Ár adam óz kásibine adal bolyp, obal-saýaptyń mańyzyn túsinip, ulttyq qundylyqty sińirip ósse, óz eliniń erteńi úshin qyzmet isteıtin azamat bolyp shyǵary anyq. Mysaly, bıyl jańa jyldaǵy Prezıdenttiń quttyqtaýynan keıin ánurannyń sharyqtata oryndalýy men suhbattaǵy Naýryz meıramynyń qadir-qasıeti týraly sózi kóp oqyrmanǵa oı salyp, óz qundylyǵymyzǵa bir taban jaqyndaı túsýine jol ashty», dedi.

«Astana qalasynyń О́zbek etnomá­denı ortalyǵy» QB basshysy, Ult­tyq quryltaı múshesi Sherzod Pýlatov ulttyq múddeler jolynda judy­ryq­t­aı jumylyp, tirlik etýge shaqyr­dy. Sondaı-aq qazaqtyń uly tulǵalary­nyń ómir jolyn nasıhattaý arqyly óske­leń urpaqty otanshyldyq rýhta tárbıe­leýdiń mańyzdylyǵyna toqtaldy.

Qatysýshylar Memleket basshy­synyń mazmundy suhbatyn progres­sıvti ultty damytý men nyǵaıtýdaǵy mańyzdy qadam dep baǵalady jáne suhbattarda aıtylǵan ıdeıalar men damý joldaryna qoldaý men keli­sim tanytty. О́zekti máselelerdi talqy­laýdyń ma­ńyzdylyǵyna nazar aýdarǵan jıynǵa kelgender belgilengen josparlarǵa qol jetkizý jáne qoıylǵan mindetterge sáıkes eldi damytý úshin birlesken kúsh-jiger qajet ekenin basa aıtty.