Foto: gov.kz
Bos ýaqytynda shyǵarmashylyqpen shuǵyldanatyn Raı Orazbekov Shyǵys Qazaqstan oblysynyń Zaısan qalasynda dúnıege kelgen. Qushtarlyǵy mektepte júrgende oıanǵan ol stýdent kezinde de músinshiligin jalǵastyrǵan.
2019 jyly Raı Orazbekov Gvardeısk garnızonynan О́skemen qalasynyń 27943 áskerı bólimine aýysady. Jańa qyzmet ornynda basshylyq esimi áskerı bólimge berilgen qazaq batyry Qasym Qaısenovtiń bıýstin jasaýdy usynǵan.
«Bul meniń ómirimdegi eń qyzyqty ári jaýapty sátterdiń biri boldy. Bir apta ishinde Qasym Qaısenovtyń eki músinin somdap shyqtym. Ádette bundaı jumysqa bir-eki aı ýaqyt ketetin», dedi Raı Orazbekov.
Ekinshi dúnıejúzilik soǵysy batyrynyń bir músini garnızondaǵy dańqty jaýynger atyndaǵy murajaıǵa, al ekinshisi áskerı bólimniń kireberisindegi alleıaǵa qoıyldy.
Onyń «Áskerı qyzmetshilerdiń otbasy» degen taǵy bir músindik týyndysy О́skemen qalasyndaǵy áskerı qalashyq saıabaǵynda ornatylǵan.
Raı Orazbekov úshin shyǵarmashylyq – ańyz tulǵalarǵa degen kózqarasyn erekshe tásilmen jetkizý múmkindigi.
