Foto: KZgovernment
«Memleket basshysy óz Joldaýynda keminde 14 GVt kóleminde qosymsha qýat kózderin iske qosýdy tapsyrdy. Jalpy ishki ónimdi 2 esege deıin ósirý úshin bizge osyndaı kólemde energııa qýaty qajet. Ol úshin energetıka salasy tez damýy tıis», dedi Á.Smaıylov.
Úkimet basshysynyń aıtýynsha, 2030 jylǵa qaraı jańartylatyn energııa kózderiniń 15% úlesine qol jetkizý maqsatynda Total Energies, Acwa Power jáne Masdar sııaqty strategııalyq ınvestorlarmen iri jobalar iske asyrylatyn bolady.
«Jalpy 2035 jylǵa deıin Qazaqstannyń biryńǵaı elektr energetıkalyq júıesine shamamen 26 GVt bazalyq jáne manevrlik generasııany iske qosý josparlanyp otyr. Qabyldanyp jatqan sharalar elektr energııasynyń tapshylyǵyn joıýǵa jáne 2030 jylǵa qaraı onyń rezervin qamtamasyz etýge múmkindik beredi», dedi Úkimet jetekshisi.
Elimizde jalaýlatyp bastalatyn iri jobalardy iske asyrý tym sozylyp ketetini de jasyryn emes. Mysaly Ekibastuz GRES-2-niń 3-shi energııa blogynyń qurylysyn bastaý áli de sozbalańǵa salynyp keledi. Premer-mınıstr bir aıdyń ishinde qurylysty bastaý qajettigin tapsyrdy.
