Foto: aikyn.kz
«BJZQ jobasynyń operatory «Ulttyq qor - balalarǵa» jobasy boıynsha alǵashqy transfertterdi alatyn qazaqstandyqtardyń tizimin ázirledi, 2024 jyly 18 jasqa tolatyndardy qosqanda 7 mıllıonǵa jýyq bala aqsha alady. Tizim tekserilip jatyr», delingen qor habarlamasynda.
Qor «Ulttyq qor - balalarǵa» jobasy boıynsha alǵashqy tólemder bıyl aqpan aıynda júzege asyrylatynyn habarlady.
Eske salaıyq, 2024 jyldyń 1 qańtarynan bastap «Ulttyq qor - balalarǵa» jobasy iske qosyldy. Oǵan sáıkes, barlyq balalarǵa jyl saıyn ulttyq qordyń ınvestısııalyq kirisiniń 50%-y esepteledi.
Balalar 18 jasqa tolǵanǵa deıin ınvestısııalyq kiris merziminen buryn alý quqyǵynsyz esepteledi. Bala 18 jasqa tolǵanda BJZQ-da oǵan arnalǵan nysanaly jınaqtaý shottary ashylady. Bul shottan aqshany turǵyn úıge jáne bilim alýǵa paıdalanýǵa bolady.
BJZQ 18 jasqa deıingi balalar týraly derekterdi (TAÁ, JSN) «Jeke tulǵalar» Memlekettik derekter qorynan alyp otyrady. Bir balaǵa arnalǵan maqsatty talaptardyń somasy osy málimetter negizinde esepteledi.
Balasynyń baǵdarlamaǵa qatysýshy bolǵany týraly aqparatty ata-analar egov.kz portalyndaǵy jeke kabınetten ala alady.
