Jańa quraldyń múmkindigi

Retınaldy kamera «Samuryq-Qazyna» AQ kompanııalar tobynyń biryńǵaı qaıyrymdylyq operatory – «Samruk-Kazyna Trust» qorynyń qarjylandyrýmen satyp alynǵan. «Biz bergen retınal­dy kameranyń kómegimen endi júzdegen sábıdi múgedektikten qutqaryp qalýǵa bolady. Shala týǵan nárestelerdiń kózin tekserip, dál ýaqytynda dıagnoz qoıýǵa múmkindik beredi. Ba­lalardyń densaýlyǵyna qatysty óńirlik jobalardy qoldaý – mańyz­dy basymdyqtardyń biri», dep atap ótti «Samruk-Kazyna Trust» qorynyń bas dırektory Alfııa Adıeva.

Pavlodar oblysynda jyl saıyn 10 myńnan asa bala dúnıege keledi. О́ńirde keıingi bir jylda 763 sábı merziminen buryn týǵan. Mundaı balalardyń 40 paıyzyna «retınopatııa», ıaǵnı kórý qabiletiniń tolyq joǵalýyna ákep soqtyratyn aýyr dıagnoz qoıylady. Dárigerler perzenthanada neonataldyq of­tal­mologııanyń qalyptasýyna kómekteskeni úshin «Samruk-Kazyna Trust» qoryna zor rızashylyǵyn bildirdi.

«Jańa týǵan nárestelerdiń retınopatııasy» jobasyn «Samruk-Kazyna Trust» qory «Aıala» qaıy­rymdylyq qorymen birlesip júzege asyryp jatyr. 2021 jyldyń mamyr aıynan 2023 jyldyń sáýir aıyna deıingi aralyqta avtomatty gıpotermııa jabdyqtarynyń 6 apparaty arqyly 70-ke jýyq jańa týǵan náreste qutqarylǵan.

Aıtyp óteıik, bıyl sáýir aıynda «Qazaqstan halqyna» qo­ry «Shala týǵan nárestelerge oftal­mologııalyq skrınıng júrgizý jáne retınopatııasyn emdeýge arnalǵan jabdyqtarmen medısınalyq uıym­dardy qamtamasyz etý» qaıy­rymdylyq baǵdarlamasy aıasyn­da Pavlodar oblystyq №1 perı­nataldyq ortalyǵyn jalpy somasy 33,5 mln teńgege dıagnostıkalyq asferalyq lınzalarmen jáne of­talmologııalyq lazermen jab­dyqtaǵan. Medısınalyq uıymǵa jabdyqtardy jetkizý mamandardy oqytýmen qatar júrdi. Of­tal­mologııalyq jabdyq shala týǵan nárestelerdiń kórý qabiletiniń bu­zylýyn (retınopatııa) anyqtaýǵa, ýaqtyly emdeýge jáne aldyn alýǵa múmkindik beredi.

Aq jeleńdilerdiń aıtýyn­sha, Qazaqstan óńirlerindegi medı­sınalyq uıymnyń kópshiliginde oftalmologııalyq skrınıngke arnalǵan jabdyq jetispeıdi. 2022 jyly elimizde dene salmaǵy 2 500 gramnan az 20 myńnan asa náreste dúnıege kelse, sonyń 5 myńǵa jýyǵynda retınopatııanyń damý qaýpi joǵary bolǵany tirkelipti.

Pavlodar oblysy