«Natural Gas + H2» birlesken jobasy «jasyl» sýtegi óndirisin qurýǵa jáne ony tabıǵı gazben ońtaıly aralastyrýǵa baǵyttalǵan. Jańa tehnologııa atmosferaǵa bólinetin kómirqyshqyl dıoksıdi qaldyqtaryn azaıtýǵa jáne ekologııany jaqsartýǵa qajet. EUÝ ǵalymdary tájirıbelik-ónerkásiptik ýchaskede alynǵan nátıjeler boıynsha jańashyldyqty Almaty men Aqtaý qalalaryndaǵy jylý elektr ortalyqtaryna engizýdi usynatyn bolady.
«Eýrazııa ulttyq ýnıversıtetiniń úlken ǵylymı áleýeti jáne myqty kadrlary bar. Biz ǵalymdarymyzdyń ǵylymı zertteýlerin qoldaýǵa basymdyq beremiz. EUÝ zertteýshileri ónerkásiptik kásiporyndardyń aýany lastaý deńgeıin tómendetý úshin ǵylymdy qajetsinetin jáne ekologııalyq taza jańa tehnologııalardy ázirleý baǵytynda belsendi eńbek etetinin atap ótkim keledi. Bizdiń professor Qaırat Kúterbekovtyń jetekshiligimen ǵalymdar toby alǵash ret Qazaqstanda sýtegi energetıkasy tehnologııalaryn damytý jobalaryna bastamashylyq tanytyp, olardy iske asyrdy. Bul memorandým sheńberindegi halyqaralyq yntymaqtastyq ekologııalyq taza sýtegin óndirý jáne paıdalaný baǵytynda pılottyq jobalardy qolǵa alýǵa jol ashady. Bizdiń birlesken kúsh-jigerimizdiń nátıjesi ekologııany edáýir jaqsartatyn jáne zııandy qaldyqtardy azaıtatyn otyn óndirisiniń jańa tehnologııalyq jelisiniń iske qosylýy bolady dep senemin», dep atap ótti L.N. Gýmılev atyndaǵy EUÝ Strategııalyq damý jónindegi prorektory Dýman Aıtmaǵambetov.
EUÝ ǵalymdary sýtegi energetıkasy salasynda 15 jyldan astam ýaqyttan beri ǵylymı qyzmetpen aınalysyp keledi. Ýnıversıtette «Eýrazııalyq fızıka-energetıkalyq zertteýler jáne ǵylymdy qajet etetin tehnologııalar ınstıtýty» ǴZI tabysty jumys isteıdi.
О́tken jyly EUÝ men «Almaty elektr stansııalary» AQ qorshaǵan ortany qorǵaý jáne gaz-sýtegi otynynyń qospasyn paıdalaný baǵytynda yntymaqtastyq pen ózara is-qımyl týraly memorandýmǵa qol qoıǵanyn aıta ketken jón.
