Foto: Azattyq Rýhy
Eske salaıyq, buǵan deıin senator Ońtústik Afrıkadaǵy 30 balamen, AQSh-taǵy 104 balamen, Belgııadaǵy 113 balamen baılanys úzilgenin aıtyp dabyl qaqqan edi.
Aıbek Smadııarovtyń aıtýynsha, qazaq balalaryn asyrap alǵan shetel azamattary mindetti túrde konsýlǵa esep berip turýy kerek.
«Eń aldymen sheteldikter asyrap alǵan bala 18 jasqa deıin Qazaqstan azamaty bolyp sanalatynyn aıta ketkim keledi. Bizdiń sheteldegi konsýldar arnaıy baǵdarlama boıynsha olardyń jaǵdaıyn baqylap turady. Kerek kezde kómektesedi. Biraq 18 jasqa tolǵannan keıin bala qaı eldiń azamattyǵyn alatynyn ózi sheshedi. Ol 18 jasqa tolǵanǵa deıin sol eldiń azamattyǵyn alsa, biz eshqandaı áreket jasaı almaımyz», dep túsindirdi spıker vedomstvo alańynda ótken baspasóz máslıhaty barysynda.
Osy tusta SIM ókili senatordyń «Sheteldikter asyrap alǵan balalar týraly aqparat joq» degen sózin joqqa shyǵardy.
«Biz sheteldikter asyrap alǵan barlyq bala boıynsha aqparatty túgendeımiz. Keıbir kezde olar bir mekenjaıdan basqa mekenjaıǵa kóshýi múmkin. Mundaı jaǵdaıda aqparat bolmaı qalýy múmkin. Sondaı-aq «Qazaq balalaryn ekzotıkalyq elderge alyp ketti» degen aqparatty da estidim. Bul da shyndyqqa janaspaıdy. Sebebi, Qazaqstanda 1990 jyldary balalardy tek Batys elderiniń ókilderine beretin talap bolǵan. Batys elderiniń azamattary sol elde dıplomat bolyp jumys isteýi múmkin. Olar asyrap alǵan. Ondaı elderge biz balalardy bermeımiz. Qazir 18 jasqa tolmaǵan 1 993 bala konsýldyq esepte tur. Taǵy da aıtamyn, biz Afrıka elderine balalardy bergen joqpyz. Aqparat shyndyqqa janaspaıdy», dep qorytyndylady Aıbek Smadııarov.
