Qazirgi kezde óńirdegi jaǵdaı turaqty, alańdaýǵa negiz joq. Aqtóbe oblysy Polısııa departamentiniń baspasóz qyzmeti QR Qylmystyq kodeksiniń 201-babymen qylmystyq is qozǵalyp, terrorlyq áreket týraly jalǵan habar taratýshy shetel azamatynyń jeke basy anyqtalyp jatqanyn habarlady.
Aıta ketý kerek, búgin tús mezgilinde áleýmettik jelilerde Aqtóbe qalasynyń birneshe mektebine bir mezgilde shabýyl jasalatyndyǵy týraly habar tarady. Ol telegramm-kanalda qaladaǵy qandaı mekteptiń terrorlyq shabýylǵa ushyraıtynyn da kórsetken. Dereý bilim berý uıymdarynda qaýipsizdikti qamtamasyz etýge polısııa jasaqtary jiberilip, mekteptiń kireberisterindegi ótkizý rejımi men beınebaqylaý júıeleri qadaǵalaýǵa alyndy. О́ńir basshysy Ashat Shaharov pen oblystyq bilim basqarmasynyń basshysy Jaıyq Sultan, oblystyq Polısııa departamentiniń basshysy Abaı Júsipov №21, №27, №32 mektep-gımnazııasyna baryp jaǵdaıdy óz kózderimen kórdi, oqýshylardyń ata-analarymen pikirlesti.
Búgin mektepterde sabaqtar qalypty jaǵdaıda ótti, onlaınǵa kóshý týraly másele kóterilgen joq.
