foto: aikyn.kz
Qazaqstan Respýblıkasy Tótenshe jaǵdaılar mınıstrligi Seısmologııalyq baıqaýlar men zertteýlerdiń ulttyq ǵylymı ortalyǵy JShS seısmıkalyq stansalar jelisi 2024 jylǵy 26 qańtarda 14 saǵat 17 mınýt 56 sekýndta jer silkinisin tirkedi.
Jer silkinisiniń oshaǵy Almatydan ońtústik-shyǵysqa qaraı 269 shaqyrym jerde Qytaı aýmaǵynda ornalasqan.
«Jer silkinisiniń energetıkalyq klasy - 11,1. Magnıtýdasy MPV 4,9. Epısentr koordınaty 41,09° soltústik, 78,49° shyǵys. Tereńdigi 5 km. Baıqaý múmkindigi týraly aqparat (MSK-64 shkalasy boıynsha): Almaty 2 ball», delingen habarlamada.
Buǵan deıin Tótenshe jaǵdaılar departamenti Almatyda dúmpýlerdiń nelikten jalǵasyp jatqanyn túsindirdi.
Eske salaıyq, 23 qańtarǵa qaraǵan túni Almaty turǵyndary qatty jer silkinisin sezindi. Ol kezde jer silkinisiniń kúshi 5 balldy qurady.
