Foto: astanahub.com
ai.astanahub.com sıfrlyq platformasynyń qyzmeti halyqty jasandy ıntellekt salasyndaǵy Qazaqstannyń qyzmeti týraly aqparattandyrýǵa, resýrstar men derekqorlarǵa qoljetimdilikti qamtamasyz etýge baǵyttalǵan. Sonymen qatar óz jobalarynda jasandy zııatty qoldanǵysy keletin jasampazdar platforma arqyly bilimderin jetildire alady.
Sarapshylar qazirgi álemde AI eń mańyzdy tehnologııalyq trend ekenin rastap otyr. Crunchbase zertteýine sáıkes, AI startaptaryna salynǵan ınvestısııa 2023 jyly 50 mıllıard dollarǵa jýyqtady, bul aldyńǵy jylmen salystyrǵanda 9% joǵary.
«Búgin biz tehnologııa men jasandy ıntellekt bizdiń ómirimizde sheshýshi ról atqaratyn jańa dáýirge qadam bastyq. Biz qazirdiń ózinde qyzmetterdi 100% sıfrlandyrýdyń aldynda turmyz. Qazaqstannyń jahandyq maqsaty – aımaqtaǵy eń iri sıfrlyq habtardyń birine aınalý», dedi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
