Foto: Polisia.kz
Qaryzǵa belshesinen batqan er azamat óziniń búıregin 18 myń AQSh dollaryna baǵalap, kezdeısoq satyp alýshyǵa ınternet arqyly satýǵa tyrysqan.
Avtor jeli qoldanýshylaryna óz múshesin satýdy usyndy, al alý operasııasy týraly barlyq kelisimderdi qabyldaýshy uıymdastyrýy kerek edi.
Tanymal áleýmettik jelidegi erekshe habarlandyrýǵa Aqmola oblysynyń PD uıymdasqan qylmysqa qarsy kúres basqarmasynyń qyzmetkerleri nazar aýdaryp, donormen baılanysqa shyqty.
«Birneshe apta boıy polıseıler arnaıy jedel-izdestirý is-sharalaryn júrgizdi, nátıjesinde transplantasııa jasaý jáne aqsha qarajatyn berý týraly mámile jasaldy. Kúdikti Kókshetaý qalasynda aqsha berý kezinde ustaldy. Alǵashqy tergeý áreketteri aıasynda polıseıler er adamnyń Aqtóbe qalasynyń týmasy, biraq elordada turatynyn anyqtady», delingen habarlamada.
Er adam mundaı sharasyz qadamǵa oıynǵa táýeldilikten jınaqtalǵan qaryzdarǵa baılanysty bel býǵanyn aıtty.
Qazir istiń mán-jaıy zerttelip, tergeý amaldary júrgizilip jatyr.
