Foto: senate.parlam.kz
«О́tken jyly Memleket basshysy Qasym-Jomart Toqaev, «áleýmettik memleket retinde elimizde halyqtyń áleýetin arttyrýǵa basymdyq berip, «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Ulttyq qorynan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizý týraly» zańyna qol qoıǵan bolatyn.
Qabyldanǵan zańǵa sáıkes, 1 aqpannan bastap Ulttyq qordyń jyl saıynǵy ınvestısııalyq tabysynyń 50 paıyzy balalardyń arnaıy jınaqtaý shotyna aýdaryla bastady.
Senator retinde, elmen etene baılanystamyz. Tańerteńnen beri, el azamattary ásirese, shalǵaıdaǵy árbir otbasynyń músheleri osy ózgeristerdi jyly qabyldap jatqanyn estip otyrmyz. Bolashaqqa degen senimderi artqan.
Jasyratyny joq, qazirgi qoǵam – elimizdegi árbir ózgeristi sol mezette sezinedi. Qazir bılik pen áleýmet arasynda shekara joq.
Sonyń bir aıǵaǵyndaı, búgin Senat Tóraǵasy Máýlen Áshimbaev «Ulttyq qor – balalarǵa» jobasynyń maqsattary týraly jýrnalısterdiń suraqtaryna jaýap bergende memleket búgingi jas jetkenshektiń erteńine kerek ınvestısııasynynyń negizin qalyptastyrǵandyǵyn aıtty», dedi A.Álnazarova.
