Foto: 24KZ
Ol qaramaǵyndaǵy qyzmetkermen birlesip iskerlik ormandy zańsyz kesip, satqany úshin kásipkerlerden para alýdyń qylmystyq shemasyn qurastyrǵan.
«Ertis ormany» basshysy A.Bektemirov jymysqy áreketin qyzmetkerleriniń kómegimen júzege asyrǵan. Olardy syrttaı basqarý arqyly júıeli túrde tólem alyp otyrǵan. Antıkor onyń banktik shotyna túsip otyrǵan paranyń qysqasha úzindilerin de jarııalady.
26 qańtarda tergeý sotynyń sanksııasymen Rezervat A.Bektemirov basshysy 2 aı merzimge qamaýǵa alyndy.
Sonymen qatar Rezervattyń bes býhgalterine de qatysty sotqa deıingi tergeý bastaldy. Olar 2021-2023 jyldar aralyǵynda ózderiniń kartochkalyq shottaryna, sondaı-aq mekemede jumys isteıtin, buryn qyzmet atqarǵan jumysshylarynyń shottaryna artyq jalaqy eseptep, aqsha aýdaryp otyrǵan. Esepshilerdiń 25 mln teńge somasynda asa iri mólsherde bıýdjet qarajatyn jymqyrǵany belgili boldy.
Qazir tergeý jalǵasyp jatyr. Memleketke keltirilgen materıaldyq zalal ishinara óteldi.
Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.
Aıta keteıik, «Ertis ormany» Memlekettik orman tabıǵı rezervaty» RMM 2003 jyly qańtar aıynda quryldy. Jalpy aýdany 277 myń gektardy quraıdy. Onyń ishinde 160 myń gektar orman alqaby.
