«Ýáde etilgen 4,5 mln teńge berilgen joq». «Maıqaıyńaltyn» kenishinde qaza bolǵan azamattyń qyzy

Qutqarýshylar avtobýs qulaǵan oıyqtaǵy topyraq ara­synan 4 qańtar kúni 2 aza­mattyń múrdesin alyp shyq­qan edi. Olar – Sarqyt Berdiqan (1999 jylǵy) jáne Tyshkevıch Oleg Leonı­dovıch (1970 jylǵy). О́zge eki qut­qarýshyny izdeý jumys­ta­ry jalǵasyp jatyr. Al buǵan deıin jazǵanymyzdaı, Pavlodar oblysynyń ákimi Asaıyn Baıhanov qaza tapqan qutqarýshylardyń otbasyna «Maıqaıyńaltyn» AQ jáne kásibı áskerı­len­dirilgen apattyq-qutqarý qyzmet­te­riniń respýblıkalyq orta­lyq shtaby Pavlodar fılıalynan 4,5 mln teńgeden asa mólsherde materıaldyq kómek kórsetiletinin málim etken edi.

Alaıda marqum Oleg Tyshkevıchtiń qyzy Iаna Oso­lod­kova ýáde etil­gen qara­jat­tyń durys bólin­be­ge­ni­ne shaǵymdanyp otyr.

– Ákemniń kenetten kóz jumǵany ja­ıynda kórshi­le­rim­nen estidim, kásiporyn bul jaıynda jaq ashpady. Marqum ákemdi jer qoınyna tapsyrǵan soń bizdi barlyǵy umytty. Eshkim baılanyspaıdy, bergen telefon nómirleri ja­ýap bermeıdi. Ýáde etilgen 4,5 mln teńge berilgen joq. Tek «Maı­qaıyńaltyn» kenishinen 2 mln teńge kómek bólindi. Maǵan tegin qyzmet kórsetetin psıhologtiń kómegi qajet edi, ol da usynylmady. Qazir qyz­met quny 20 myń teńge tu­ratyn psıhoterapevtiń qyz­metin paıdalanyp otyrǵan jaıym bar. Ákemniń óliminen soń júıke júıem buzylyp, kúızeliske ushyradym. Budan 1,5 jyl buryn ákem ekeýmiz anamdy joǵaltyp, qatty qınalǵan edik. Al qazir qatty qamyǵý ústindemin, ne isteý kerek ekenin bilmeımin. Ákemdi jerleý sharasyna 1 mln teńge shyǵyndandyq. О́zim májbúrli túrde Almaty qalasyndaǵy aqyly emhanaǵa baryp, 500 myń teńgege emdeldim. Bel­gi­li sebepterge baılanysty qań­tar aıynda jumys istegen joqpyn. Joǵary turǵan organdardan eshbir qarjylaı jáne moraldyq kómek kóre almaı otyrmyz. Ákemniń ólimine kásiporyn basshylyǵynyń nemquraıdylyǵy sebep boldy. Oblystyq tótenshe jaǵ­daılar departamenti men «Maıqaıyńaltyn» basshy­ly­ǵynan bizben habarla­sýyn ótinemiz. Aǵamyz ekeý­miz qıyn jaǵdaıda qaldyq, – dep shaǵymdandy marqum qutqarýshynyń qyzy áleý­met­tik jelide.

Pavlodar oblysy ákiminiń baspasóz qyzmeti marqum qut­qa­rýshynyń qyzyna tıesili kómek kórsetilgen dep otyr.

«Qaza tapqan qutqarý­shy­lar­dyń otbasy­laryna 4,5 mln teńge kóleminde mate­rıal­dyq kómek kórsetildi, onyń ishinde «Maıqaıyńaltyn» AQ 2 mln teńge tóledi. Kásibı áskerı­len­dirilgen apattyq-qutqarý qyzmetteriniń respýblıkalyq ortalyq shtaby 500 AEK nemese 1 mln 846 myń teńge mólsherinde materıaldyq kómek kórsetti. Sondaı-aq jer­leý rásimderine 100 AEK nemese 369 200 teńge mól­sherinde tólem jasaldy. Biryń­ǵaı jınaqtaýshy zeınet­aqy qorynan jerleýge 94 AEK nemese 347 000 teńge mólsherinde tólem jasaldy», dep jaýap berdi ákimniń baspa­sóz qyzmeti.

Mundaı tólemderdi múrde­leri tabylǵan 2 qutqarýshynyń otba­sylary alǵan. Jer astynda jatqan qutqarýshylardy izdestirý jumystary aıaqtal­ǵan­nan keıin, olardyń múrdesi tabylǵan jaǵdaıda nemese qaıtys boldy dep tanylsa, ózge otbasylarǵa da osyndaı kómek bólinedi. Sonymen qatar otbasylarǵa asyraýshy­sy­nan aıyrylý bo­ıynsha memlekettik áleýmettik jár­demaqy taǵaıyndalady (18 jasqa tolǵanǵa deıin otbasyn­da­ǵy árbir kámeletke tolmaǵan adamǵa aı saıynǵy tólem).

«Otbasylarǵa beriletin kómek tek osy tólemdermen shek­­te­lip qalmaıdy. Jergilikti at­qarýshy organ Kásibı ás­ke­rı­len­dirilgen apattyq-qut­qarý qyzmetteriniń res­pýb­­lıkalyq ortalyq shta­bynan qosymsha saqtan­dyrý tólemderi jáne «Maıqaıyńaltyn» AQ-dan iri materıaldyq kómek kórsetý týraly máseleni pysyqtap jatyr. Bul tólemder tólengen somadan birneshe esege kóp. Tólemderdiń naqty somalary iz­des­tirý jumystary aıaqtal­ǵan­nan keıin habarlanatyn bolady», dep málimdedi baspasóz qyzmetinen.

Pavlodar oblysy