Foto: nn-airport.kz
Astana qalasy áýejaıynyń áýeaılaǵynda 19 m/s jyldamdyqpen jáne ekpini 23 m/s deıin qatty jel soǵyp tur. Mundaı aýa raıy ushaqtardyń ushýy men qonýy kezinde qıyndyqtar týǵyzýy múmkin, sondyqtan áýekompanııalar jolaýshylar men ekıpajdardyń qaýipsizdigin qamtamasyz etý maqsatynda reısterdi toqtatý nemese keshiktirý týraly sheshimder qabyldaıdy.
«Búgin elorda áýejaıynda 72 reıs josparlanǵan edi. Onyń ishinde ushýǵa 7 reıs, ushyp kelýge 8 reıs toqtatyldy. Sonymen qatar ushýǵa 6 reıs, al ushyp kelýge 12 reıs keshiktirildi. Bul kidirister men toqtatýlar qolaısyz meteojaǵdaılarmen jáne ushý qaýipsizdigin qamtamasyz etý boıynsha qabyldanyp jatqan sharalarmen baılanysty. Jolaýshylar óz reısteri týraly aqparatty alý úshin tıisti áýekompanııalarmen baılanysýy kerek. Áýeaılaqty qalyń qardan tazalaý jumystary úzdiksiz júrip jatyr. Qazir bul jumystarǵa 23 arnaıy tehnıka jumyldyrylǵan. Reıster týraly aqparatty Astana halyqaralyq áýejaıynyń resmı saıtynan nn-airport.kz qaraýǵa bolady. Sondaı-aq elorda áýejaıynda táýlik boıy baılanys ortalyǵy jumys isteıdi: 8(7172)702-999», delingen Astana áýejaıy taratqan habarlamada.
