Foto: vıdeodan skrınshot
Quzyrly organ izdeýde júrgen 300 qylmyskermen qatar, habar-osharsyz ketken 200 adamdy tapty.
«Máselen, Pavlodar oblysynyń kentteriniń birinde jedel-izdestirý is-sharalaryn júrgizý kezinde pavlodarlyq turǵyndy atys qarýymen atyp óltirgeni úshin 2011 jyldan beri halyqaralyq izdeýde júrgen Danat Bakıbaev ustaldy.
Almaty oblysynda Sabyrjan Masahbaev qolǵa tústi. Ol 2023 jyldyń aıaǵynda Almatyda top quramynda bola otyryp, aldyn ala sóz baılasý arqyly Sıngapýr azamatyna shabýyl jasap, 3 mln teńge men 13 myń AQSh dollarynan astam somada aqshany tartyp alǵan. Ustalǵan adamnyń sybaılastary buryn ustalǵan.
Túrkistan oblysynda polısııa 10 jyl boıy halyqaralyq izdeýde júrgen О́zbekstan azamaty Jamshıd Ahmedovty ustady. Sheteldik Saryaǵash aýdanyndaǵy «Jibek joly» shekara beketinde shekaradan ótý kezinde qamaýǵa alyndy. Er adam 2014 jyldan bastap Reseı Federasııasynyń Irkýtsk qalasynda kisi óltirgeni úshin izdeýde boldy.
IIM jedel bólinisteriniń qyzmetkerleri Shymkentte kórshi memlekettiń quqyq qorǵaýshylarymen alaıaqtyq jasaǵany úshin izdeýde júrgen taǵy bir ózbekstandyq Marýfjon Jýraevty ustady», dedi QR IIM krımınaldyq polısııa departamenti basqarma bastyǵynyń orynbasary Jangeldi Tabılov.
