Foto: aqorda_resmi
Prezıdentke Ulytaý oblysynyń byltyrǵy áleýmettik-ekonomıkalyq damý qorytyndysy týraly esep berildi. Negizgi kapıtalǵa salynǵan ınvestısııa kólemi 14 paıyzǵa ósip, 210,1 mıllıard teńgege jetti. Osy rette jeke ınvestısııanyń úlesi 90 paıyzdy qurady. О́tken jyly óńirde jalpy somasy 10 mıllıard teńge bolatyn 3 iri joba iske asyryldy.
Berik Ábdiǵalıulynyń aıtýynsha, bıyl kem degende 16 jobany, onyń ishinde ónerkásip jáne geologııa baǵyttary boıynsha 8, týrızm jáne saýda salalarynda 3, agroónerkásip kesheninde 5 jobany iske qosý josparlanǵan. Nátıjesinde óńirde 700 jańa jumys orny ashylady.
Qasym-Jomart Toqaevqa bıyl agrarlyq salada qus fabrıkasyn, et óńdeý keshenin salý, 3000 gektar aýmaqta kartop jáne kókónis ósiretin fermerlik sharýashylyqtardy iske qosý kózdelip otyrǵany jóninde málimet berildi.
«Jaıly mektep» ulttyq jobasy aıasynda 2024-2025 jyldary 3600 oryndyq 6 mektep salynady. Onyń bireýi bıyl Jezqazan qalasynda paıdalanýǵa berilmek.
Sonymen qatar Ulytaý oblysynyń ákimi bıyl iske qosylatyn 10 sport nysany jaıynda baıandady. Atap aıtqanda, 320 adamǵa arnalǵan basseıni bar kópfýnksıonaldy sport kesheni, Jezqazǵan qalasynda «Qazaqmys» korporasııasynyń «Namys» SK balalar men jasóspirimder sport akademııasy, Jezdi jáne Jańaarqa kentterinde dene shynyqtyrý-saýyqtyrý keshenderi, Qarajalda jabyq basseın, sondaı-aq angar tıpti 5 oıyn kesheni salynady.
Kezdesýde oblystaǵy jylytý maýsymynyń jáne jylýmen qamtamasyz etý jumystarynyń barysy týraly aıtyldy. Infraqurylymdy odan ári damytýǵa baılanysty 2029 jyly Jezqazǵan men Sátbaev qalalarynda ekinshi jylý elektr ortalyqtarynyń qurylysyn júrgizý josparlanyp otyr. Bul ortalyqtar jylý tapshylyǵy máselesin sheshýge tıis.
Memleket basshysyna Jezqazǵan – Qyzylorda jáne Jezqazǵan – Arqalyq joldarynyń qurylys-montajdaý, sondaı-aq Úıtas-Aıdos sý qubyryn rekonstrýksııalaý jumystary bastalǵany jaıynda baıandaldy.
Kezdesý sońynda Qasym-Jomart Toqaev óńirdi odan ári damytý jáne turǵyndardyń ál-aýqatyn jaqsartý jóninde birqatar tapsyrma berdi.
