Foto: aqorda_resmi
Marat Omarov Prezıdentke agenttiktiń baqylaý fýnksııalaryn oryndaý barysy, onyń ishinde ekonomıkany monopolııadan aryltý jónindegi quqyq qorǵaý organdarymen birlesken jumystary týraly esep berdi; monopolııaǵa qarsy sharalar aıasynda atqarylǵan jumystar týraly baıandady.
Oryndalǵan uıǵarymdardyń úlesi 90,3 paıyzǵa jetken; Agenttiktiń básekelestikti damytý jónindegi 2024 jylǵa arnalǵan jospary jaıynda aıtty: búginde básekelestiktiń jaı-kúıin taldaý úshin aqparattyq-saraptamalyq júıe ázirlenip, iske qosylǵan, memlekettik qyzmetter sıfrlandyrylǵan. Básekelestikti qorǵaý jáne damytý agenttiginiń aqparattyq júıesi, ıaǵnı derekter bazasy ázirlenip jatyr. Karteldik sóz baılasý faktilerin anyqtaý maqsatynda jasandy ıntellekt elementteri engiziletinin aıtty.
Prezıdent agenttik tóraǵasyna ekonomıkanyń negizgi sektorlarynda básekelestikti damytýǵa, vedomstvonyń júrgizip jatqan tekserý jumystaryna, sondaı-aq shaǵyn jáne orta bıznesti qorǵaýǵa ári órkendetýge qatysty birqatar tapsyrma júktedi.
