Foto: ratel.kz
Aınaldyrǵan eki táýlik aralyǵynda Qazaqstan quramasy alty júldeni qorjynǵa saldy. 60 metrge kedergiler arqyly júgirgen Davıd Efremov 7.60 sekýndtyq kórsetkishpen jarys jeńimpazy atandy. 1.86 metrlik bıiktikke sekirgen Elızaveta Matveeva da altynnan alqa taqty. Iаdro laqtyrýshylardyń saıysynda Ivan Ivanov (19.08 metr) pen jelaıaqtardyń eń qysqa qashyqtyǵynda baq synaǵan Olga Safronova (7.35 sekýnd) kúmispen kúpteldi. Al Aıana Bolatbekqyzy (1 500 metrge júgirý) men Marııa Efremova (úsh qarǵyp sekirý) qola medaldy moınynda jarqyratty.
Sóıtip, 2 altyn, 2 kúmis jáne 2 qolany ıelengen otandastarymyz – ázirge sary qurlyqtyń eń úzdik komandalary sanatynda.
