Búginde «Maıqaıyńaltyn» AQ-da shtattaǵy qyzmetkerler sany 933 adamdy qurap otyr. Onyń ishinde 143 adam – jyl saıynǵy eńbek demalysynda, 30 qyzmetker – bala kútimine, 42 qyzmetker – ýaqytsha eńbekke jaramsyzdyǵyna baılanysty demalysta. Taǵy 5 er azamat Qarýly kúshter qatarynda áskerı boryshyn ótep júr.
Kenishtegi apat pen onyń mańyndaǵy úılerdiń máselesin prokýratýra qurǵan tergeý toby zerdelep jatqanyna baılanysty shahtadaǵy ken qazý jumystary 4 qańtardan beri qańtarýly. Qazir jalaqysynyń 50 paıyzy tólene otyryp 153 qyzmetkerdiń jumysy toqtap tur. Olar – shahtanyń 109 qyzmetkeri jáne taý-ken tehnıkasy ýchaskesinde jumys isteıtin 44 adam.
Endi osy aptanyń ortasynan, ıaǵnı 22-23 aqpannan bastap altyn kenishine qarasty ken baıytý fabrıkasynyń da jumysy ýaqytsha toqtaıdy. Bul týraly Pavlodar oblysy Eńbek basqarmasy basshysynyń mindetin atqarýshy Abylaı Sabyrov habarlady.
– «Maıqaıyńaltyn» AQ jumys berýshisiniń aýyzsha túsindirmesine sáıkes qazirgi ýaqytta kásiporyn fabrıka jumysyn toqtatýǵa daıyndyq júrgizip jatyr. Shamamen bıyl 22-23 aqpanynan bastap toqtatylady dep josparlanyp otyr. Bul rette kásiporyn qyzmetkerlerine jalaqysynyń 50 paıyzy tólenetin bolady. Jumysy ýaqytsha toqtatylatyn qyzmetkerlerdiń sany týraly aqparatty kásiporyn pysyqtaý ústinde. Naqty sanyn «Maıqaıyńaltyn» AQ basshylyǵy osy aptanyń sońyna deıin habarlaýy kerek. Jumys berýshiniń aqparaty boıynsha qyzmetkerlerdi tolyq jumystan bosatý máselesi qarastyrylmaǵan. Fabrıka bıyl 1 sáýirden bastap qaıtadan iske qosylady, – deıdi Abylaı Aqanuly.
Belgili bolǵandaı, fabrıka 4 qańtarda shahta jumysyn toqtatqanyna baılanysty osy ýaqytqa deıin qaldyq qoımadaǵy shıkizatty paıdalanyp kelgen. Kenishtegi apattyń sebep-saldary tolyq zerdelenip bitkenshe shahta jabyq bolady. Soǵan sáıkes fabrıka da óz jumysyn jalǵastyra almaı otyr.
Buǵan deıin Maıqaıyń kenishiniń «Shanhaı» aýdanynda turatyn halyq ár kúnin úreımen ótkizip kele jatqany týraly jazǵan edik. Altyn kenishi bul jerden 300-400 metrdeı jerde ornalasqan. Kenishte jer jarý jumystary júrgizilgende, úıimiz jer astyna opyrylyp túsip ketip, bala-shaǵamyzben opat bolamyz ba degen qorqynysh bar jurttyń boıynda. Parlament Májilisindegi «Amanat», «Aýyl», «Aq jol» jáne «Respublica» partııalarynyń Maıqaıyń kentindegi másele boıynsha joldaǵan depýtattyq saýaldaryna Bas prokýror Berik Asylov jaýap berdi. Bul týraly Májilis depýtaty Jarqynbek Amantaı habarlady.
Bas prokýrordyń málimdeýinshe, prokýratýra organdarynyń úılestirýimen vedomstvoaralyq jedel-tergeý toby (Polısııa departamenti, Sybaılas jemqorlyqqa qarsy qyzmet, Ekonomıkalyq tergep-tekserý departamenti) qurylyp, 4 prosestik prokýror taǵaıyndaldy.
«Tergep-tekserý barysynda «Qaraǵandygıproshaht» JShS-men taý-ken-qurylys jumystary salasyndaǵy maman tartyldy (kenishtiń qulaý sebepteri týraly qorytyndy berý jəne shahtada jumys júrgizý kezindegi zań buzýshylyqtardy anyqtaý úshin). Sondaı-aq ýəkiletti memlekettik organdardyń (Memlekettik kirister departamenti, О́nerkəsiptik qaýipsizdik departamenti, «Sentrkaznedra» RMM, Ekologııa departamenti, Sanıtarlyq-epıdemıologııalyq baqylaý departamenti) mamandary jumyldyryldy. Qylmystyq is boıynsha birqatar tergeý əreketteri (tintý, alý, saraptama, jaýap alý jəne t.b.) júrgizilip jatyr, olardyń qorytyndysy boıynsha kəsiporynnyń jaýapty tulǵalarynyń, sondaı-aq ýəkiletti memlekettik organdardyń laýazymdy adamdarynyń əreketteri men əreketsizdigine quqyqtyq baǵa beriletin bolady. Tergeý jalǵasyp jatyr», dep jazylǵan jaýapta.
Sonymen qatar osy oqıǵa boıynsha Eńbek jəne halyqty əleýmettik qorǵaý mınıstrliginiń Eńbek jəne əleýmettik qorǵaý komıteti qurǵan komıssııa jumys júrgizip jatqany aıtylǵan. Onyń quramyna «Avarııalyq-qutqarý qyzmetteri qyzmetkerleriniń jergilikti kəsiptik odaǵy» QB ókili engen. Qorytyndysy is materıaldaryna qosa tirkeldi.
О́z kezeginde, Pavlodar oblysy əkimdigi janyndaǵy óńirlik jedel shtab (quramyna oblystyń quqyq qorǵaý, arnaýly jəne ózge de memlekettik organdary kiredi) Maıqaıyń kentiniń turǵyndaryna kəsiporyn óndirisiniń əserinen týyndaýy múmkin təýekelderdi zerdelep jatyr. Kəsiporynnyń ónerkəsiptik alańy 10 myńǵa jýyq turǵyny bar Maıqaıyń kentiniń janynda ornalasqany anyqtaldy. Sanıtarlyq-qorǵaý aımaǵynyń shekarasy 500 metr, aýdany 17 gektardan astam, Pavlodar oblysy əkimdiginiń 12.02.2013 jylǵy №39/2 qaýlysymen aıqyndalǵan. Aımaqqa 206 jer ýchaskesi kiredi, onyń ishinde 311 adam turatyn baspana ǵımarattary ornalasqan 103 ýchaske bar.
«Prokýratýra organdary atalǵan ýchaskeler boıynsha jergilikti atqarýshy organnyń ərbir aktisiniń zańdylyǵyn zerdelep jatyr. Anyqtama retinde barlyq arhıvtik materıaldar, onyń ishinde jer-kadastrlyq ister talap etildi, óıtkeni kóptegen qurylymdar jyljymaıtyn múlikti zańdastyrý boıynsha zańdastyrylǵan, ıaǵnı quqyqtary sanıtarııalyq-qorǵaý aımaǵy belgilengenge deıin aıqyndalǵan», dep jazylǵan jaýapta.
Qylmystyq isti tergep-tekserý barysy jəne tekserý sharalary baqylaýda. Qazir Maıqaıyń kenishi aýmaǵyndaǵy izdestirý jumystary jalǵasyp jatyr. Ázirshe oıyq túbine tehnıka ózdiginen júrip baratyndaı qaýipsiz jol salynyp jatyr. Bul iske «Maıqaıyńaltyn» AQ jaýaptandy.
Pavlodar oblysy,
Baıanaýyl aýdany,
Maıqaıyń kenti
