Sýretti túsirgender – A.Dúısenbaev, E.ÚKIBAEV
Joba júzege asa bastaǵannan beri mańyzdy qyzmetterdegi jastardyń úlesi artty. Bul úrdis aldaǵy ýaqytta memlekettik basqarý júıesine jańa tásilderdiń engizilýine, jańasha kózqarastardyń paıda bolýyna, ınovasııalyq ózgeristerdiń oryn alýyna áserin tıgizýi kerek.
Qazirgi ýaqytta kadrlyq rezerv qatarynda bolyp, óz jobalaryn júzege asyryp, nátıjeli eńbegimen kózge túsip júrgender bar. Olardyń ishinen erekshe Investorlardyń targettelgen algorıtmin jasaǵan Leıla Gımranova, Paıdaly qazbalar qory jónindegi memlekettik komıssııany reformalaý máselesin kóterip júrgen «Ulttyq geologııalyq qyzmet» AQ basqarma tóraǵasy Erlan Ǵalıev, «2024 jyly saıahattaýǵa arnalǵan 52 el» reıtınginde Qazaqstandy 25-orynǵa qoıǵan, eń iri halyqaralyq BAQ – «New York Times»-tyń aıtýly týrıstik reıtıngine enýge qol jetkizgen Shyryn Mýsına, elimizde smartbordtar jelisiniń paıda bolýyna úlesin tıgizgen Raýl Lınd, ǵylymı-saraptamalyq zertteýler júrgizip júrgen «Qazaqstandyq qoǵamdyq damý ınstıtýty» KeAQ basqarma tóraǵasynyń orynbasary Oljas Beısenbaevty atap ótýge bolady.
Rezervtegi jas mamandardyń 70 paıyzy jaýapty laýazymdarǵa taǵaıyndalǵanyn, basqa rezervısterdiń kvazımemlekettik jáne kásipkerlik salada ekenin eskersek, eldegi kadr tapshylyǵy máselesin sheshýge áserin tıgizetini cózsiz.
Prezıdenttik jastar kadrlyq rezervke irikteý birneshe kezeńnen turady. Atap aıtqanda, kandıdat memlekettik tildi B1-den tómen emes deńgeıde meńgerýi, sonymen birge jumys ótili 5 jyldan kem bolmaýy shart. Sonymen birge irikteý kezeńderinde úmitkerdiń mátindik jáne sıfrlyq aqparatpen jumys isteý, sıtýasııalyq tapsyrmalardy sheshý qabileti jáne quzyrettiligi baǵalanady. Osyǵan oraı kadr rezerviniń músheleri merıtokratııa qaǵıdatyn tolyq iske asyrý úshin qatań irikteýden ótedi. Iаǵnı basshylyq laýazymdardy olardyń áleýmettik tegi men materıaldyq jaǵdaıyna qaramastan, barynsha qabiletti adamdar ıelenýge tıis.
Dýlat О́TEǴALI,
Prezıdent janyndaǵy QSZI bas sarapshysy
