Foto: akorda.kz
«Shyn máninde, «Bolashaqtyń oıyndary» – IT ıntellekt pen sport ushtasqan biregeı format. Biz munda myqty komanda ákeldik. Jaqsy nátıje kórsetedi dep úmittenemiz. Jalpy Qazaqstanda IT sektory damyp keledi. Bizdiń óz oıyndarymyz bar. Halyqaralyq deńgeıde jarystar ótkizemiz. Reseı Federasııasy der kezinde qolǵa alǵan osy bastamany jalǵastyrý úshin kelesi «Bolashaqtyń oıyndaryn» bizdiń elimizde uıymdastyrýdy usynamyn», dedi Prezıdent.
Qasym-Jomart Toqaev Qazaqstan men Reseı arasyndaǵy ekijaqty qatynastardyń qarqyndy damyp kele jatqanyn atap ótti.
«Bul – bizdiń jańa jyldaǵy alǵashqy kezdesýimiz, Vladımır Vladımırovıch. Biz bárimiz Reseıde 17 naýryzda ótetin prezıdent saılaýyn kútip otyrmyz. Túpkilikti nátıjeniń oıdaǵydaı bolaryna kúmánimiz joq. О́ıtkeni Reseı Sizdiń bedeldi basshylyǵyńyzben tańqalarlyq tabysqa qol jetkizip keledi. Shyn máninde, Siz óz málimdemelerińizben, is-áreketińizben jahandyq kún tártibin qalyptastyrasyz. Bul bizdiń yntymaqtastyǵymyzǵa jáne Sizdiń byltyr qarasha aıynda Qazaqstanǵa jasaǵan memlekettik saparyńyz kezinde qol jetkizilgen ýaǵdalastyqtardyń oryndalýyna oń yqpalyn tıgizetini sózsiz. Meniń oıymsha, qos tarap, eki eldiń úkimetteri atalǵan ýaǵdalastyqtardy tabysty júzege asyryp jatyr. Qazirdiń ózinde naqty nátıje bar», dedi Qazaqstan Prezıdenti.
Vladımır Pýtın «Bolashaqtyń oıyndary» týrnıriniń ashylý rásimine qatysqany úshin Qasym-Jomart Toqaevqa alǵys aıtyp, Reseı tarapynyń Qazaqstanmen strategııalyq seriktestikti odan ári kúsheıtýge beıildi ekenin rastady.
«Sport qandaı da bir saıasattan tys bolýy kerek, sondaı-aq halyqtardy jaqyndastyrýǵa tıis. Men muny birneshe ret aıttym, taǵy da qaıtalaǵym keledi. Búgingi týrnırge júzden astam elden, naqtyraq aıtqanda, ártúrli kontınenttiń 104 elinen kóptegen qatysýshy keldi. Dıdjıtal-sportqa jáne naǵyz dástúrli sportqa qyzyǵýshylyq tanytatyn jastary qatysyp otyr. Al ekijaqty qatynastarǵa keler bolsaq, baılanystarymyz asa mańyzdy barlyq sala boıynsha nátıjeli damyp keledi. Byltyr bizdiń delegasııanyń Qazaqstanǵa sapary sátti boldy. Biz aldaǵy damý baǵyttaryn aıqyndadyq. Áriptesterim maǵan qazirgi ýaqytta energetıka, ınvestısııa jáne óńirlerdegi jumystardyń qalaı júrip jatqanyn baıandaıdy. Munyń bárinde jalpy eki el, jekelegen aımaqtar jáne tutas salalar úshin ózara múdde kózdeledi», dedi Reseı Prezıdenti.
Sonymen qatar eki el basshylary óńirlik jáne jahandyq kún tártibindegi máseleler jóninde pikir almasty.
