Foto: ult.kz
Qalalyq Tótenshe jaǵdaılar departamentiniń basshysy Nurlan Atyǵaev qalada 23 aqpanda seısmıkalyq daıyndyq júrgiziletinin aıtty. Onyń aıasynda saǵat 10:00-de sırenalar qosylady. Turǵyndar kóshege jyly kıinip shyǵýy kerek, óıtkeni bul kúni aýa temperatýrasy nólden tómen bolady.
«Basty maqsat – qala turǵyndarynyń tótenshe jaǵdaılarda áreket etýge daıyndyq deńgeıin arttyrý. Olar aldyn ala evakýasııalaý joldaryn, qaýipsiz jerlerdi anyqtap, apattyq sómkelerdi daıyndaıdy. Qaýipsiz oryndar - bul elektr jelileri men ǵımarattardan alys ashyq jerler. Barlyq turǵyndardy belsendi qatysýyn suraımyz», dedi Atyǵaev RSK-da ótken brıfıngte almatylyqtarǵa.
Ol qalada jyl saıyn 200-ge deıin álsiz, baıqalmaıtyn dúmpýlerdiń bolatynyn eske saldy.
«Biraq seısmologtardyń aıtýynsha, qalada magnıtýdasy jeti jáne odan da joǵary jer silkinisi kútilmeıdi. Sondyqtan daıyndyqtyń jer silkinisin kútýge esh qatysy joq», dedi ol.
