Jambyl aqynnyń shoıynnan quıylǵan portret-músini Chelıabi oblysynyń Kaslın qalasyndaǵy tarıhı-kórkemóner mýzeıinde tur. Shoıyn balqytýmen ataǵy shyqqan qala ataýynyń túp-tórkinin mamandar bashqurt tilindegi «qazly», ıaǵnı qazy kóp degen sózge ákelip tireıdi. Alaıda bul shahardyń ataǵyn shyǵarǵan qaz emes, shoıyn.
Jambyl aqynnyń nemeresi Zeınehan
Aqyn portretiniń avtory Aleksandr Gılev – shoıynnan óner jasaýǵa ómirin arnaǵan adam. Jambyl Jabaevtyń músini – sheberdiń qolóner ýchılıshesinde oqyp júrip jasaǵan eń alǵashqy týyndylarynyń biri. Jas músinshiniń talantyna tánti bolǵan Kaslın shoıyn zaýytynyń basshylary atalǵan týyndyny Almatyǵa jibergen eken, ile Almaty qalasynan dál osyndaı taǵy 300 músin quıyp berýge tapsyrys túsipti. Keıin tapsyrys kólemi myńǵa deıin jetken.
Jambyldyń kıiz úıi
Sankt-Peterbýrgtegi Kýnstkamerada Jambyl Jabaevqa qatysty on shaqty jádiger saqtaýly tur. Olardyń ishinde aqyn portreti bederlengen tárelke, Jambyl turǵan kıiz úı men jańa tam úıi, kıiz úıdiń ishki kórinisteri, Jambyl atyndaǵy ujymshardyń basqarma músheleri, aqynnyń Zeınehan esimdi nemeresi beınelengen fotosýretteri bar.
Qostanaı oblysy
