Foto: muftyat.kz
Forýmǵa Memlekettik keńesshi Erlan Qarın, Mádenıet jáne aqparat vıse-mınıstri Qanat Ysqaqov, halyqpen tyǵyz baılanysyp jumys istep júrgen elimizge tanymal ýaǵyzshylar, Respýblıkalyq qalalar men oblystardyń bas ımamdary, RANT músheleri qatysty.
«Imam – qoǵamdy tárbıeleýshi tulǵa, aǵartýshy ustaz. Otanshyl, amanatqa adal, adamgershiligi mol ımandy urpaq tárbıeleýde ımamnyń atqaratyn róli erekshe. Allaǵa shúkir, halqymyzdyń rýhanı damýyna, qoǵamda otbasy qundylyǵynyń artýyna aǵartýshy ustazdar men din qyzmetkerleri úlken úles qosyp keledi.
Bul rette jamaǵatqa danalyq jolmen nasıhat aıtýdyń mańyzy aıyryqsha. Alla Taǵala qasıetti kitabymyz Quranda «Nahyl» súresiniń 125-aıatynda: «Rabbyńnyń jolyna danalyqpen ári janǵa jaǵymdy ýaǵyz-nasıhat aıtý arqyly shaqyr! Sondaı-aq Alla jolynda kúresý nemese sóz talastyrý kerek bolǵanda árdaıym sóz ben is-árekettiń eń jaqsysyn tańda...» dep ámir etken.
Búgingi Respýblıkalyq ýaǵyzshylar forýmynda din qyzmetkerlerine «Ýaǵyz aıtýdyń ádebi men mádenıeti» qujaty tanystyryldy.
Basty maqsatymyz – babalar salǵan sara jolmen din men dástúr sabaqtastyǵyn dáriptep, salıqaly ómir saltyn qalyptastyrý. Alla Taǵala ıgi bastamalarymyzǵa bereke, halqymyzǵa amandyq, keń baıtaq jerimizge tynyshtyq pen turaqtylyq násip etkeı», dedi Bas múftı Naýryzbaı qajy Taǵanuly.
