Foto: pixabay.com
Qalalyq prokýratýra zań buzýshylyq belgileri baıqalǵan 10 mıllıard teńgeden astam somany quraıtyn konkýrstardy toqtatqan.
«Tapsyrys berýshilerdiń biri konkýrs jarııalaý kezinde taýar, jumys jáne qyzmetti túrleri men olardy jetkizý orny boıynsha teń bólmegen, osylaısha iri kásipkerlerge artyqshylyq berip, shaǵyn jáne orta kásipkerliktiń áleýetti ókilderin konkýrstan shektegen», delingen habarlamada.
Memlekettik satyp alý barysynda Almaty qalasyndaǵy aýdannyń burynǵy ákimi de zań talaptaryn eskermegeni anyqtaldy.
«Mysaly, memlekettik satyp alýǵa qatysýshylarda lısenzııanyń bolýyna qaramastan, tapsyrys berýshi olardyń konkýrstyq ótinimderin negizsiz keri qaıtarǵan. О́tinishter tártip boıynsha qaralǵanda 100 mıllıon teńgeden astam bıýdjet qarajatyn únemdeýge bolatyn edi. Anyqtalǵan quqyq buzýshylyqtar negizinde tulǵaǵa 9.2 mıllıon teńge ákimshilik aıyppul salynyp, jaýapkershilikke tartyldy», dep habarlady qala prokýratýrasynyń baspasóz qyzmeti.
