Foto: primeminister.kz
Holdıngtiń enshiles uıymdary ekonomıkanyń shıkizattyq emes salalarynyń kásiporyndaryna jalpy somasy 2,8 trln teńge kóleminde qoldaý kórsetti, bul aldyńǵy jylmen salystyrǵanda 45%-ǵa artyq. Kvazımemlekettik sektor sýbektilerine jatpaıtyn 71 myńnan astam kompanııa men uıymǵa 2,5 trln teńge kóleminde qoldaý kórsetildi. 2023 jyly AО́K salasyn qarjylandyrýdyń jalpy kólemi 665,2 mlrd teńgeni qurady. Holdıngtiń qoldaý sharalarynyń arqasynda 6 myńnan astam jańa jumys orny qurylyp, 3,8 trln teńgeniń ónimi shyǵaryldy jáne qyzmetter kórsetildi.
Esepterdi tyńdaǵan Úkimet basshysy «Báıterek» satypalym erejelerin otandyq taýarlardyń úlesin túbegeıli arttyrý jaǵyna qaraı qysqa merzimde qaıta qaraý qajettigin atap ótti.
Sonymen qatar memlekettik qoldaýǵa ıe bolǵan kásiporyndar elishilik qundylyqty únemi arttyryp otyrýy kerek.
«Biz «Báıterek» holdıngi jáne basqa da damý ınstıtýttary arqyly ekonomıkanyń belgili bir kásiporyndary men salalaryn qoldaýǵa qomaqty qarajat bólip otyrmyz. Sondyqtan barlyq is-shara elishilik qundylyqtyń artýyna yqpal etýi kerek. Eger biz kásipkerge qoldaý kórseter bolsaq, ol Qazaqstanda qazir ımporttap otyrǵan taýarlardyń óndirisin jolǵa qoıý, jumyskerlerdiń eńbek ónimdiligi men jalaqy deńgeıin arttyrý, qosalqy merdigerler nemese jetkizýshiler retinde otandyq kásiporyndardy tartý sııaqty qarsy mindettemelerdi de ózine alýy tıis», dedi Oljas Bektenov.
Premer-mınıstr qazirgi ýaqytta Úkimet elishilik qundylyqty arttyrý jáne otandyq óndiristi damytý jónindegi sharalar keshenin daıyndap jatqanyn aıtty.
