Foto: pixabay.com
Jer silkinisiniń epısentri Qazaqstan aýmaǵynda Almaty qalasynan ońtústikke qaraı 31 km jerde ornalasqan.
Jer silkinisiniń energetıkalyq klasy - 13.2.
MPV magnıtýdasy - 6.1.
Epısentrdiń koordınattary: 42.93° S. E. 76.96° sh. b.
Tereńdigi - 10 km.
Seziletindigi týraly málimetter (DSM-64 shkalasy boıynsha): Almaty 5 ball.
Osy tótenshe jaǵdaıǵa baılanysty Almaty oblysynyń ákimi Marat Sultanǵazıev shuǵyl jıyn ótkizdi. Qazirgi ýaqytta aımaqtaǵy jaǵdaı turaqty, biraq jedel shtab aldaǵy is-sharalar josparyn talqylaýdy jalǵastyryp jatyr. О́ńirdegi barlyq tirshilikti qamtamasyz etý júıeleri, polısııa bólimi men medısınalyq jedel járdem qyzmeti shtattyq rejımde jumys istep turǵanyn habarlady.
Jıynda taýly aımaqtarda qar kóshkini qaýpine baılanysty saqtyq sharalaryn nazarǵa alyp, jergilikti atqarýshy organdardyń nusqaýlaryn oryndaý usynyldy. Turǵyndardy tótenshe jınaý pýnktteri belsendi qyzmet atqara beretini jáne qajetti kómek kórsetý úshin medısınalyq mekemeler men jedel járdem qyzmeti kúsheıtilgen rejımde jumys isteıtini habarlandy.
Aımaq basshysynyń nusqaýymen jer silkinisinen keıingi yqtımal zardaptardy anyqtaý maqsatynda oblystaǵy barlyq ǵımarattar men qurylystarǵa tekserý júrgizilip jatyr. Sondaı-aq zardap shekkenderge kómek kórsetý úshin, qabyldaý pýnktterin daıyndaý jáne apattyq-qutqarý qyzmetteriniń is-qımyldaryn úılestirý jóninde tapsyrma berildi.
«Tótenshe jaǵdaılarǵa jedel nazar aýdarý daıyndyǵy jáne oblys turǵyndarynyń qaýipsizdigin qamtamasyz etý – bizdiń basty mindetimiz», dedi Marat Sultanǵazıev.
