Tárbıeshi ofıserler marapattaldy

Saltanatty is-shara qalalyq jas­tar resýrstyq ortalyǵynda ótti. Oǵan garnızonnyń áskerı bólim koman­dırleri, qorǵanys isteri departament­teri men oqý oryndarynyń tárbıe jáne ıdeologııalyq jumys jónindegi oryn­basarlary, sondaı-aq Qarýly kúshterdiń ardagerleri qatysty.

Merekelik jıynda garnızon basshysy, podpolkovnık Aıdos Isaev jınalǵan barsha qaýymdy kásibı merekelerimen quttyqtady. Ol búginde garnızonnyń áskerı ujymdarynyń tárbıe jáne ıdeologııalyq jumysy aqparattyq-tárbıe, psıhologııalyq, mádenı-demalys, áskerı-áleýmettik, áskerı tártip pen quqyqtyq tártipti nyǵaıtý, sondaı-aq joǵary moraldyq-psıhologııalyq ahýaldy saqtaý sııaqty kóptegen baǵyttarda belsendi jumys atqarylyp jatqanyn málim etti.

– Tárbıe qurylymdary ofıserle­riniń jumysy qajyrly jáne mańyz­dy is sanalady. Olar áskerı qyz­met­shilermen til tabysa bilýi, olardy tú­sinýi jáne senimdi qarym-qaty­nas qu­rýdyń joldaryn taba bilýi qajet. Jeke quramnyń joǵary moraldyq-psıhologııalyq jaı-kúıin saqtaý tikeleı tárbıeshilerge baılanysty, – dep atap ótti podpolkovnık A.Isaev.

Tárbıe jáne ıdeologııalyq jumys jónindegi orynbasarlar ınstıtýtynyń qurylý tarıhy Qarýly kúshterdiń qa­lyp­tasýymen tyǵyz baılanysty. Qa­zaq­stan armııasynyń damýy men qalyp­tasýyna qosqan zor úlesi úshin saltanat­ty jıyn barysynda urpaqtar sabaqtastyǵyn kórsetý maqsatynda Qarýly kúshterdiń ardagerlerine qurmet kórsetildi.

– Zapasqa ketken áskerı qyzmetshi­lerdiń kópshiligi búginde jas urpaqqa patrıottyq tárbıe berý isine jan-jaqty járdem kórsetýdi jalǵastyryp jatqanyn túsiný qýantady. Áske­rı ujymnyń qamqorlyǵy men naza­ry­nyń arqasynda biz, Qarýly kúsh­terdiń ardagerleri, qoǵamǵa, ásirese, jastarymyzǵa jınaǵan tájirı­be­mizdi jetkizý úshin áli de paıdaly eke­nimizdi sezinemiz. Bul urpaqtar sabaq­tastyǵynyń basty máni men kilti, onsyz biz bolashaqqa jol ashpaımyz, – dep atap ótti zapastaǵy polkovnık Reıimbaı Halmuratov.

Úzdik tárbıeshiler garnızon basshy­synyń atynan gramotalar jáne alǵys hattarmen marapattaldy. Is-shara qatysýshylar men qonaqtarǵa qýanysh pen shattyq syılaǵan merekelik konsertpen aıaqtaldy.

ShYMKENT