Foto: Vladımır Tretıakov
Energyprom usynǵan derekterge sáıkes, Qazaqstanda gúl baǵasy 8,2%-ǵa qymbattady.
О́ńirler boıynsha taldaıtyn bolsaq, eń qymbat gúlder Qaraǵandy oblysynda satylady - bir jylda 41,5%-ǵa qymbattaǵan. Ekinshi satyda Almaty oblysy (plıýs 18,1%) jáne Astana qalasy (plıýs 14,5%) tur. Eń az jyldyq baǵa ósimi Almaty qalasynda tirkeldi: 1,3%.
Al Aqmola, Jambyl jáne Jetisý oblystarynda baǵa byltyrǵy qańtardaǵy deńgeıde saqtaldy. Taǵy eki óńirde baǵa tómendedi: Pavlodar oblysynda bir jylda 0,9%-ǵa, Ulytaý oblysynda 6,1%-ǵa arzandady.
Aıta ketsek, bar adamzatqa tanymal raýshan gúliniń bir danasy qańtar aıynda ortasha eseppen 946 teńgeden satyldy. Abaı oblysynda sál qymbatyraq - 1,4 myń teńge. Qostanaı (1,3 myń teńge) jáne Shyǵys Qazaqstan (1,2 myń teńge) oblystarynda, kerisinshe, sál arzanyraq.
Eń arzan raýshandar Shymkentte satyldy, bar bolǵany 600 teńge. Batys Qazaqstan oblysynda bir raýshannyń baǵasy 648 teńgeni, Qyzylordada 667 teńgeni quraǵan.
Osy oraıda Energyprom sarapshylary picodi.com saıtynyń saýalnamasyn usynýdy jón kórdi. 2022 jyly júrgizilgen saýalnamaǵa sáıkes, qazaq áıelderiniń 39%-y ǵana merekege gúl alǵysy keledi.
Áıelderdiń 87%-y kóbine jumys ornynda, 89%-y jaqyndarynan gúl alady. Názik jandylardyń 56%-y 8 naýryzda ózderi gúl syılaıdy. Er adamdardyń tek 70%-y gúl syılaıdy.
Aıtpaqshy, saýalnamaǵa sáıkes, gúlder kóp qalanatyn syılyqtar arasynda tek besinshi orynda tur. Burymdylar 8 naýryzǵa aqsha (69%), parfıýmerııa (63%) jáne kosmetıkany (54%) eń kerekti syılyqtar dep sanaıdy. Al eń qajetsiz ári orynsyz syılyqtar qataryna alkogol (50%), ishkıim (44%) jáne ashyq hattar (38%) endi.
