Tengrinews.kz málimetinshe, atyshýly is boıynsha tyńdaý Álıhan Bókeıhan aýdandyq sotynda ótedi. Sot otyrysyna sottalýshy Nurbolat Dákebaev jetkizildi.
Jábirlenýshiniń advokaty Baǵdad Hasenov Nurbolat Dákebaevtyń jedel járdem júrgizýshisine keltirgen jaraqatynyń jeńil emes ekenin dáleldeý úshin jańa saraptama taǵaıyndaý týraly sotqa aryz jazbaq nıette ekenin aıtty. Advokat jábirlenýshige taǵy da ota jasalatynyn atap ótti.
Sot otyrysynda jaýapker Dákebaev aıyptaý aktisi men azamattyq talap-aryzdy almaǵanyn aıtty. Sot 10 mınýttyq úzilis jarııalady.
Nurbolat Dákebaevqa qatysty qylmystyq is QR QK-niń 293-baby 1-bóligi «Buzaqylyq» boıynsha sotqa kelip tústi, al bastapqyda tergeý QK-niń 107-baby 2-bóligi 5-tarmaǵy boıynsha «Buzaqylyq nıetpen densaýlyqqa qasaqana aýyrlyǵy ortasha zııan keltirý» boıynsha júrgizildi.
