“JIYRMA BIR KÚN IShINDE ORYNDALADY”

“Egemen Qazaqstan” gazetiniń 2010 jylǵy 5 mamyrdaǵy №170-172 sanynda N.Temirbaevanyń “Barar jer, basar taýym qalmady” degen haty jarııalanǵan bolatyn. Osy hatqa baılanysty Qazaqstan Respýblıkasy Joǵarǵy Soty janyn­daǵy Sot ákimshiligi komıtetiniń tóraǵasy G.Kım­nen tómendegideı mátinde jaýap hat keldi. Onda: “2010 jylǵy 7 mamyrdaǵy Jambyl oblysy, Shý aýdandyq sotynyń boryshker S.Doskeevti izdestirý jónindegi uıǵarymyna sáıkes, Jambyl oblystyq kóshi-qon polısııasy boryshker S.Doskeevti izdestirýde. Osy uıǵarymnyń oryndalýy Shý aýdandyq ishki ister basqarmasyna júktelgen. Komıtet tara­pynan boryshker S.Doskeevtiń turǵylyqty meken-jaıy anyqtalǵan jaǵdaıda Jambyl oblysynyń sottar ákimshisi tirkeý mekemelerinen jyljıtyn jáne jyljymaıtyn múlikteri men ekinshi dárejelik bankterde esep-shotynyń bar-joǵy tekserilip, memlekettik zeınetaqy qorynan anyqtama alý arqyly sot sheshimin oryndaý jóninde tapsyrma berildi. Buǵan baılanysty is-sharalar 21 jumys kúniniń ishinde júzege asyrylý mindetteldi. Sonymen qatar, talapker N.Temirbaevaǵa osy máselege qatysty qabyldanǵan sharalar boıynsha jáne mán-jaıdyń tolyq anyqtalyp, sot sheshiminiń naqty oryndalýyna yqpal etýi úshin tóraǵanyń qa­byl­daýyna kelýi týraly hat joldandy” delingen. ELDIK, EGEMENDIK BELGISI О́Z ORNYN TAPTY Farıda BYQAI. Gazetimizdiń budan burynǵy san­darynyń birinde biz oblys kóle­min­de shyǵatyn oblystyq jáne aýdan­dyq gazetterdiń egemen eldiń tirli­gine saı basylym betterinde tól bel­gilerin anyqtaı almaı “ada­syńqyrap” otyr­ǵandyǵyn jazǵan bolatynbyz. Eki oblystyq basylym – biri “Saryarqa samaly”, ekinshisi “Zvezda Prıır­ty­shıa” gazetteri mańdaısha betine SSSR degen jazýy bar “Qurmet belgisi” or­denin “taǵyp qoıyp” birneshe jyl boıy shyǵyp kelip edi. Bylaı qara­ǵan­da, kórgen kózge birtúrli ersi kórinetin. О́tken ótti. Buralańdy tarıh jol­dary kimge ókpeleıtindeı endi. Biz­diń elimizdiń de óziniń tól mara­pat bel­gileri ómirge keldi. Tipti, “Izvestııa” gaze­tiniń ózi sol bir jyldary alǵan SSSR degen jazýy bar bes-alty ordenin jaı ǵana eleý­siz ǵyp, sońǵy bettiń meken-jaıy jazylatyn jerine tıtteı etip qoıa salǵanyn da jazǵan edik. Jýyrda bizdiń oblystyq gazettegi bul “ma­rapat” tómenge túsip, alǵashqy betten elimizdiń Eltańbasy oryn aldy. Endi aýdandyq gazetter de tyń ıgerý kezindegi “Zarıa”, “Trıbýna”, “Nıva” sııaqty ataýlaryn eldik, egemendik maqsatqa saı ózgertip bir jónge keltirer dep oılaımyz. PAVLODAR. LAÝREAT USTAZǴA ARNALǴAN KESh Ońdasyn ELÝBAI. KSRO Memlekettik syıly­ǵynyń laýreaty, ataqty ustaz, О́skemendegi Jambyl atyndaǵy daryndy balalarǵa ar­­nal­ǵan mektep-gımnazııanyń qazaq tili men ádebıeti pániniń ustazy Qa­nıpa Bitibaevaǵa arnalǵan oqýshy­lar­dyń res­pýblıkalyq jarysyna Alma­ty, Pavlo­dar, Shyǵys Qazaqstan, Aq­mo­la oblys­tarynan daryndy balalar qatysty. Osymen besinshi ret ótkizilgen ta­lantty shákirtter jarysynda oqý­shy­lar Abaı álemi, jalpy qazaq ádebıeti, til bilimin jetildirý jónindegi bilim­derin sarapqa saldy. Jarys jeńim­pazdaryna Qanıpa Omarhanqyzy óz qolymen marapat jasap, olarǵa sát sapar tiledi. О́SKEMEN.